Polısıa odan 15 sıntetıkalyq esirtki túıinshegin tárkiledi.
Almaty qalasynda psıhotroptyq zattardy ótkizýmen aınalysqan turǵyn 10 jylǵa sottaldy, dep habarlaıdy aqshamnews.kz Almaly aýdandyq prokýratýrasyna silteme jasap.
Qylmystyq isti Almaty qalasynyń mamandandyrylǵan aýdanaralyq qylmystyq soty qarady.
"2000 jyly týǵan turǵyn 10 jylǵa bas bostandyǵynan aıyryldy. Ol ınternet arqyly beıtanys adamnyń tapsyrmasymen bıylǵy naýryz aıynan bastap Almaly aýdanynyń aýmaǵynda esirtki zattaryn qoıyp ketýmen aınalysqan. Ol úshin syıaqy alyp otyrǵan", - deıdi vedomstvo.
Polısıa odan 15 sıntetıkalyq esirtki túıinshegi tárkiledi.
"Bıyl 147 esirtki qylmyskeri, onyń ishinde 88 ótkizýshi qylmystyq jaýapkershilikke tartyldy. Qala aýmaǵynda zańsyz aınalymnan 369,9 kg esirtki zattary alynyp, joıyldy", - deıdi prokýratýra.