Almatynyń Naýryzbaı aýdanynda esirtki satýshyny ustaý boıynsha arnaıy is-shara júrgizildi, dep habarlaıdy Almaty-akshamy. kz Polisia. kz-ke silteme jasap.
Polıseıler qalaǵa kire beriste Jambyl oblysynan taksımen kele jatqan 45 jastaǵy D.esimdi azamatty ustady.
– D.esimdi azamatty jeke tintý barysynda onyń jol sómkesinen quramynda erekshe ıisi bar, qara-jasyl tústi ósimdik tektes zat salynǵan býma tabyldy jáne tárkilendi. Saraptama qorytyndysyna sáıkes, tárkilengen zat jalpy salmaǵy eki kelige jýyq bolatyn marıhýana esirtki zaty ekeni rastaldy. Odan ári kúdiktiniń turǵylyqty jerinde ruqsat etilgen tintý barysynda taǵy 970 gram marıhýana tabyldy. Ol bólinip, satýǵa daıyn turdy. Aıtpaqshy, bizdiń jedel derekterge sáıkes, ustalǵan azamat qalada esirtki satýmen aınalysqan. QR QİJK-niń 128-babyna sáıkes ol ýaqytsha ustaý ızolátoryna qamaldy, – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Qylmystyq is QR QK-niń 297-baby 4-bóligi boıynsha tergelip jatyr. QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.