Almatyda aǵashtardyń jaǵdaıyn zamanaýı tehnologıalardyń kómegimen tekseretin bolady.
Megapolıs - shirigen jáne kepken aǵashtardy anyqtaý úshin rezıstograftar men ımpúlstik tomograftardy satyp alǵan Qazaqstandaǵy alǵashqy qala, dp habarlaıdy Almaty-akshamy.kz.
Ekolog Bolat Ámirǵalıev atap ótkendeı, nemis jabdyqtary tamyr júıesinde jáne aǵashtyń basqa bólikterinde ımpúlstardyń kómegimen shirigen jerdiń bar-joǵyn kórýge múmkindik beredi. Osylaısha, jedel túrde jasyl jelekterdiń zaqymdanýy týraly qorytyndy alýǵa jáne qala úshin qaýipti azaıtýǵa bolady. Almatyda osy maqsattar úshin barlyǵy 8 rezıstograf jáne 2 ımpúlsti tomograf satyp alyndy.
«Qazaqstanda alǵash ret biz jedel sheshimder qabyldaý jáne aǵashtardyń jaǵdaıyn tekserý úshin zamanaýı tehnologıalardy paıdalana alamyz. Búgin biz olardy Baým toǵaıy men basqa da qala saıabaqtaryn zertteý úshin paıdalanýdy josparlap otyrmyz. Qurylǵy sol jerde apatty jáne eski aǵashtardy anyqtaýǵa kómektesedi», - dep túsindirdi ekolog Bolat Ámirǵalıev.
Bıyl qala turǵyndary men olardyń múlikteriniń qaýipsizdigi úshin ózegi men tamyr júıesi shirigen 17 myńǵa jýyq aǵash kesilgenin eske salamyz. Yqtımal qaýipti aǵashtardy anyqtaý prosesinde ǵylymı ınstıtýttar ǵalymdarynyń qatysýymen muqıat taldaý júrgiziledi.