Ekonaýqanǵa qala turǵyndary, eriktiler, stýdent jastar, ekologıa beı-jaı qaraı almaıtyn janashyr jandar qatysty.
Atalǵan is-shara qatarynan 20-shy ret uıymdastyrylyp otyr.
Ekoaksıa aıasynda kópshilikten ártúrli zattar sonyń ishinde: kıim, kitaptar, aıaq kıim, turmystyq zattar jáne t.b. qaırymdylyq uıymdaryna berý úshin qabyldandy. Sondaı-aq kitap almasý, vınıl plasınkalarymen almasý, ashyq sheberlik sabaqtary qarastyrylǵan. Sonymen qatar qabyldanǵan qaıta óńdeýge jaramdy zattardyń tiziminde kádimgi plasık pen makýlatýradan basqa elektrondy qaldyqtar, quramynda synap bar qaldyqtar, jaramdylyq merzimi ótip ketken dári-dármekter, bankalar men túrli-tústi shyny sıaqty sırek fraksıalar da bar.
Buǵan deıingi ekonaýqan qala turǵyndarynyń mundaı is-sharalarǵa degen belsendiligin, suranysyn aıqyn kórsetti. İs-sharanyń bar bolǵany 4 saǵatynda 2 tonnaǵa jýyq qaıta óńdeletin materıaldar men 3000 kg qaıta óńdeýge arnalǵan zattar jınaldy. İs-sharaǵa 1500-den astam adam qatysty.
Bul eko-aksıalar, shyn máninde, qaıta óńdeletin materıaldardy maksımaldy kólemde qaıta óńdeýge, qajetsiz zattardy qorshaǵan ortaǵa zalalsyzdandyrýǵa, jańa daǵdyǵa úırenýge, pikirles adamdarmen qarym-qatynasqa túsýge jáne ekologıalyq qoǵamdastyqtan qoldaý tabýǵa biregeı múmkindik bolyp tabylady.
«Negizgi múdde - buqarany ekologıalyq tazalyqty saqtaýǵa, sondaı-aq ekobelsendilikti arttyrýǵa shaqyrý. Eger árbir jan óz aýlasyn, turyp jatqan mekenin taza ustasa, tazalyqty balabaqsha, mektep jasynan bastap úıretse, nur ústine nur bolar edi», - dedi ekolog maman Pakızat Saılaýbekova.
