Almatyda «Kóktóbe» aıaldamasy mańyndaǵy Omarov kóshesiniń ýchaskelerinde avtokólik qozǵalysyna ýaqytsha shekteý engiziledi.
Bul sharalar aınalym alańynyń qurylysy aıasynda gaz qubyryn qaıta júrgizý jumystaryna baılanysty júzege asyrylady.
27 qyrkúıek kúni saǵat 21:00-den 28 qyrkúıek saǵat 07:00-ge deıin qozǵalys Omarov kóshesi, 7 mekenjaıyndaǵy meshitten joǵary bólikte jabylady.
28 qyrkúıek kúni saǵat 21:00-den 29 qyrkúıek saǵat 07:00-ge deıin qozǵalys Omarov kóshesi, 77 mekenjaıynyń boıynda toqtatylady.
Jóndeý júrgiziletin ýchaskede eskertý belgileri, merdiger uıym basshysynyń baılanys derekteri kórsetilgen taqtaıshalar ornatylady. Marshrýtyńyzdy aldyn ala josparlaýdy suraımyz.
Eske salaıyq, kólik qozǵalysyn shekteýge qatysty barlyq aqparat @AlmatyJoly Telegram-arnasynda, aýdan ákimdikteriniń áleýmettik jelilerinde, sondaı-aq, 2GIS pen «Iandeks kartalar» servısterinde jarıalanady.