Bos oryndar jármeńkesiniń maqsaty jumys berýshi men jumys izdeýshi arasyndaǵy tikeleı baılanys arqyly bilim berý uıymdarynyń túlekteri men jastardy jumysqa ornalastyrýǵa járdemdesý, dep habarlaıdy Almaty-akshamy.kz.
NEET sanatyndaǵy jastardyń úlesin tómendetýge erekshe nazar aýdarylady (jumyssyz, bilimmen nemese kásiptik daıarlyqpen aınalyspaıtyn jáne bilim berý júıesi men jumyspen qamtý salasynan tys jastar).
Resmı statısıkaǵa sáıkes, ońtústik astanada 14-35 jastaǵy azamattardyń jalpy sanynan NEET úlesi 6,0 % quraıdy. Aıta ketý kerek, Almatynyń 2025 jylǵa deıingi damý baǵdarlamasynda jastar salasyndaǵy negizgi ındıkator bul kórsetkishti 3%-ǵa deıin tómendetý bolyp tabylady.
Mamandar QR eńbek zańnamasyna sáıkes, tolyq aqparatpen bólisip, jármeńke qonaqtaryna býkletter, jadynamalar jáne t.b. sıaqty anyqtamalyq-aqparattyq materıaldardy usynady.
Baǵdarlamada jumysqa ornalastyrý boıynsha jetekshi mamandardyń sheberlik dáristeri qarastyrylǵan.
İs-sharaǵa 200-den astam kompanıa, 35 JOO, 83 kolej túlekteri men jumyssyz jastar qatysady.
"CAREER time" – jalpyqalalyq bos oryndar jármeńkesi 2022 jyldyń 7 jeltoqsanynda "Balýan Sholaq" sport kesheninde (Abaı dańǵyly, 44) ótedi. Bastalýy tańǵy saǵat 10:00-de.
Anyqtama telefony: +7701 278 80 15 Aıgúl Maratqyzy