Almaty qalalyq Bilim basqarmasy mektep oqýshylarynyń jańa oqý jyly qandaı forma kıetinin aıtty, dep habarlaıdy Almaty-akshamy.kz.
Sonymen ul balalarǵa arnalǵan mektep formasy: pıdjak, jılet, shalbar, kóılek, kúndelikti kóılek. Bul rette shalbar keń, uzyndyǵy tobyqty jaýyp turýy kerek. Qysta toqylǵan keýdeshe qosýǵa bolady. Galstýk klasıka formasynda bolýy jáne negizgige nemese mektep formasynyń túsine saı bolýy kerek.
«Bıyl mektep formasyna eshqandaı ózgeris engen joq. Kıim úlgisi klasıka stılinde, birtutas qoıý kók túste bolýy kerek», – dedi Almaty qalalyq bilim basqarmasy.
Qyzdarǵa arnalǵan mektep formasy: pıdjak, jılet, ıýbka, sarafan, shalbar, klasıka stılindegi blýzka. Shalbar da keń bolýy kerek jáne uzyndyǵy boıynsha tobyqty jabýy kerek. Qysta toqylǵan keýdeshe qosýǵa bolady. Biraq beldemsheniń uzyndyǵyn bilim berý uıymy men qamqorshylyq keńes belgileıdi, sodan keıin jalpy mekteptik ata-analar jınalysynyń hattamasymen bekitiledi.
Mektep formasynyń matasyn tańdaǵanda tozýǵa tózimdiligi joǵary jáne antıstatıkalyq qasıeti bar jartylaı júndi materıaldy tańdaǵan durys.
Aıaqkıimge qatań talaptar joq. Eń bastysy - klasıka stılin ustaný.
«Mektep formasyna túrli dinı aǵymdar kıiminiń elementterin engizýge jol berilmeıdi. Mektep formasyna qoıylatyn talaptar travmatıkalyq fýrnıtýraǵa jatatyn kıim men aksesýarlardy taǵyp, kıip kelýdi quptamaıdy», – dep tolyqtyrdy Almaty qalalyq bilim basqarmasy.
10 qańtarda Oqý-aǵartý mınıstri orta bilim berý uıymdarynyń mektep formasyna qoıylatyn talaptarǵa ózgerister engizdi. Atap aıtqanda, qyzdarǵa da, uldarǵa da mektep formasynyń elementterine túımesi nemese qulpy bar toqylǵan jempir/kardıgan, polo jeıde nemese fýtbolka qosyldy. Sonymen qatar galstýk endi oqýshy garderobynyń mindetti element emes.