Halyq mýzykasyn orkestrdiń súıemeldeýimen QR eńbek sińirgen qaıratkerleri men ártisteri oryndaıdy.
Ǵ. Qurmanǵalıev atyndaǵy oblystyq fılarmonıa 15 maýsymda Almaty qalasynda konsert beredi, dep habarlaıdy Almaty-akshamy.kz
Konsert aldynda megapolıs qonaqtary Óńirlik komýnıkasıalar qyzmetiniń brıfıńinde sóz sóılep, aldaǵy oqıǵa týraly aıtyp berdi.
Al keshke halyq ánin oryndaýshylar almatylyq kórermenderdi Qurmanǵazy atyndaǵy Qazaq memlekettik akademıalyq halyq aspaptary orkestriniń konsert zalynda kútetin bolady.
QR Eńbek sińirgen qaıratkeri, «Parasat» ordeniniń ıegeri, dástúrli án janrynyń ánshisi Qatımolla Berdiǵalıev ÓKQ alańynda óz shyǵarmashylyǵynda qazaqtyń tól ónerin, aqyn-jyraý retinde dáripteıtinin atap ótti. Dástúrli ánshi, mýzyka pániniń muǵalimi osy salalardy óskeleń urpaq arasynda keńinen nasıhattaýda.
Qatımolla Berdiǵalıevtiń repertýarynda úsh júzden astam qazaqtyń halyq ánderi, jyraýlar men terme-jyraýlar Buqar jyraý, Bazar jyraý, Qashaǵan jyraý, Muhıt Meralıev, Ǵarıfolla Qurmanǵalıev jáne kóptegen halyq kompozıtorlarynyń ánderi bar.
Qazaq radıosynyń altyn qoryna «El» prodúserlik ortalyǵynda jazylǵan Q.Berdiǵalıevtiń 83 áni endi. Aıta keterligi, bıyl ártis 70 jasqa toldy. Ol dombyra tartyp, termeni bala kezinen oryndaı bastaǵan.
Odan bólek, QR Eńbek sińirgen ártisi, ánshi Qanatqalı Qojaqov, «Eren eńbegi úshin» medaliniń ıegeri, ánshi Aıbar Qaıyrhanov jáne taǵy basqalar qala turǵyndaryna óner kórsetedi. Dırıjer ári jetekshisi Erkin Nurymbetov jetekshilik etetin «Dáýletkereı» qazaq halyq aspaptar orkestri halyq ónerin súıer qaýymnyń nazaryna usynady.
Aıta ketsek, gastróldik sapar 18 mamyrda bastalyp, Batys Qazaqstan fılarmonıasy Qostanaıda, odan keıin Pavlodarda óner kórsetti. Gastróldik sapar 17 maýsymda Taldyqorǵanda, 21 maýsymda Shymkentte, sonymen qatar Semeıde jalǵasady.