Osy maqsattarǵa qosymsha 5,3 mlrd teńge bólý usynylady.
Almatyda bastaýysh synyp oqýshylaryna tegin tamaq beriledi. Bul týraly Memleket basshysynyń Almatyny qalpyna keltirý jáne odan ári damytý jónindegi tapsyrmasyn oryndaý maqsatynda 2022 jylǵa arnalǵan jergilikti búdjetti naqtylaý boıynsha qala máslıhatynyń XVI sesıasy barysynda qala ákimi Erbolat Dosaev málimdedi, dep habarlaıdy Almaty-akshamy.kz.
«2022 jyldyń 1 qyrkúıeginen bastap Almaty memlekettik mektepteriniń barlyq bastaýysh synyp oqýshylary (1-4 synyptar), áleýmettik mártebesine qaramastan, tegin ystyq tamaqpen qamtylady. Osy maqsattarǵa jergilikti búdjetten 2022 jyldyń sońyna deıin (4 aı) qosymsha 5,3 mlrd teńge bólý usynylady», - dedi Erbolat Dosaev.
Sonymen qatar ákimniń aıtýynsha, balalardyń sport seksıalaryna qoljetimdiligi úshin sport úıirmelerin qarjylandyrý 1,5 mlrd teńgeden 3,2 mlrd teńgege deıin edáýir ulǵaıady.