1,5 mln teńgege deıin kóbeıtý usynyldy.
Almatyda «Nurly jer» baǵdarlamasy aıasynda turǵyn úı salynady.Bul týraly Memleket basshysynyń Almatyny qalpyna keltirý jáne odan ári damytý jónindegi tapsyrmasyn oryndaý maqsatynda 2022 jylǵa arnalǵan jergilikti búdjetti naqtylaý boıynsha qala máslıhatynyń XVI sesıasy barysynda qala ákimi Erbolat Dosaev málimdedi, dep habarlaıdy Almaty-akshamy.kz Almaty.tv silteme jasap.
Onyń aıtýynsha, búgingi kúni almatylyqtardyń jekelegen áleýmettik toptaryn turǵyn úımen qamtamasyz etý máselesin sheshý mańyzdy.
«Sesıa barysynda qala ákimi nesıege turǵyn úı alý múmkindigin jaqsartý maqsatynda ıpotekanyń bastapqy jarnasynyń bir bóligin jabý úshin bir turǵyn úı sertıfıkatynyń qunyn 1 mln teńgeden 1,5 mln teńgege deıin kóbeıtýdi usyndy», - dedi Erbolat Dosaev.
Bul sanatqa İ jáne İİ toptaǵy múgedekter, múgedek balalary bar otbasylar, jetim jáne ata-anasynyń qamqorlyǵynsyz qalǵan balalar kiredi.
«Búdjetti naqtylaý kezinde «Nurly jer» baǵdarlamasy aıasynda taǵy 411 otbasyna arnalǵan «Jas qanat» 6 kóp páterli turǵyn úı kesheniniń qurylysyna 4,5 mlrd teńge bólý qarastyryldy», - dedi ol.
Sonymen qatar ol búdjetti naqtylaý Almaty qalasynyń turǵyndarymen jáne kásipkerlerimen alǵashqy kezdesý ótkizgennen keıingi jumys nátıjesi negizinde daıyndalǵanyn tilge tıek etti.
