Bul - 14 245 oqýshy ornyna eseptelgen mektepter.
Bıyl Almatyda 14 245 oqýshy ornyna eseptelgen 22 mektep paıdalanýǵa beriledi. Bul týraly Memleket basshysynyń Almatyny qalpyna keltirý jáne odan ári damytý jónindegi tapsyrmasyn oryndaý maqsatynda 2022 jylǵa arnalǵan jergilikti búdjetti naqtylaý boıynsha qala máslıhatynyń XVI sesıasy barysynda qala ákimi Erbolat Dosaev málimdedi, dep habarlaıdy Almaty-akshamy.kz.
Onyń aıtýynsha, 2022 jyly bilim berýge 275,2 mlrd teńge qarastyrylǵan (jergilikti búdjet - 196,2 mlrd., respýblıkalyq búdjet – 79 mlrd.). Búdjetti naqtylaý aıasynda qosymsha 9,4 mlrd. teńge bólý josparlanyp otyr.
«2022 jyly oqýshy ornynyń tapshylyǵyn azaıtý maqsatynda 46 mekteptiń qurylysy jalǵasyp, 14 245 oqýshy ornyna eseptelgen 22 mektep bıyl paıdalanýǵa beriledi», - dedi qala ákimi.
Sonymen qatar Bostandyq, Áýezov, Almaly, Jetisý aýdandaryndaǵy mektepterge japsarlas 5 ǵımarattyń qurylysyn aıaqtaýǵa qosymsha 1,8 mlrd. teńge bólý usynyldy.
