Ol Almatyda birneshe ret qylmys jasaǵan Jambyl oblysynyń 25 jastaǵy turǵyny bolyp shyqty.
Almaty qalasynda qyzymen birge balalar arbasyn urlap júrgen jas kelinshek ustaldy, dep habarlaıdy Almaty-akshamy.kz Polisia.kz-ke silteme jasap.
Qalalyq polısıa departamenti beınebaqylaý kameralaryna jazylǵan vıdeony jarıalady.
Onda hıdjab kıgen jas kelinshek qyzymen birge lıftke kirip keledi. Balasy da oramal taqqan.
Kelesi kadrda jalǵyz ózi balalardyń arbasyn ıyǵyna asyp, shyǵyp barady.
Polısıa arba urlap júrgen kelinshekti ustady. Ol Jambyl oblysynyń 25 jastaǵy turǵyny bolyp shyqty. Almatyda birneshe ret qylmys jasaǵan. Ol turǵyn úılerdiń kireberisinde turǵan balalar arbasy men sábılerge arnalǵan velosıpedterdi urlaǵany úshin aıyptalyp otyr.
«Ol áıel beınebaqylaý kameralarynan, sondaı-aq, kózinshe birneshe ret qylmys jasaǵan kishkentaı qyzynan da uıalmady. Qazir A.esimdi azamatshanyń bótenniń múlkin urlaýdyń 8 deregine qatysy bar ekendigi dáleldendi. Qylmystyq epızodtardyń tizimi munymen bitpeýi de múmkin. Bul baǵyttaǵy jumystar jalǵasýda», - deıdi polıseıler.
Qazirgi kezde Qylmystyq kodekstiń 188-baby, 2-bóligi (Urlyq, birneshe ret jasalǵan áreket) boıynsha sotqa deıingi tergeý sharalary bastaldy.