Almatyda Memlekettik shyǵarmashylyq jáne sporttyq tapsyrys aıasynda balalardy tegin úıirmeler men sport seksıalaryna qabyldaý úshin ata-analardan ótinishter qabyldaý bastaldy.
Júıege júktemeni azaıtý maqsatynda jazba qalanyń aýdandary boıynsha kezeń-kezeńimen ashylady:
- 30 qyrkúıek, 11:00 – Áýezov aýdany;
- 30 qyrkúıek, 18:00 – Medeý aýdany;
- 1 qazan, 11:00 – Jetisý aýdany;
- 1 qazan, 15:00 – Alataý aýdany;
- 2 qazan, 15:00 – Túrksib aýdany.
Uıymdastyrýshylar oryn sany shekteýli ekenin jáne ol bólingen búdjet kólemine sáıkes aıqyndalatynyn atap ótti.
Ata-analarǵa jazylý erejelerimen muqıat tanysý, júıeni óz betinshe paıdalaný jáne elektrondyq sıfrlyq qoltańba (ESQ) men jeke kabınetke kirýdi úshinshi tulǵalarǵa bermeý qatań eskertiledi. Erejelerdi buzǵan jaǵdaıda zańnamaǵa sáıkes jaýapkershilik qarastyrylǵan.
Quzyrly organdar polısıa departamentimen birlesip, rásimniń ashyqtyǵy men zańdylyǵyn qamtamasyz etýge baǵyttalǵan aldyn alý sharalaryn júrgizýde.
Qalanyń basqa aýdandary boıynsha jazylý merzimi týraly aqparat qosymsha habarlanady.