Qazaqstan 3 jyldyń ishinde sıfrly elge aınalmaq. Memleket basshysy Qasym-Jomart Kemeluly Toqaev bıylǵy Qazaqstan halqyna arnaǵan Joldaýyn «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» dep atady. Bul qujat – elimizdiń jańa tarıhı kezeńdegi damý baǵytyn aıqyndaıtyn strategıalyq baǵdarlama bolyp tabylady.
Joldaýdyń negizgi ózegi – jasandy ıntellektti (JI) qoǵam ómiriniń barlyq salasyna tıimdi engizý, ony ekonomıkany damytý men halyqtyń ál-aýqatyn kóterýdiń qýatty quralyna aınaldyrý. Búgingi tańda JI – álemdik damýdyń basty trendi. Ol bilim berý, densaýlyq saqtaý, aýyl sharýashylyǵy, ónerkásip, bıznes jáne memlekettik basqarý júıelerine úlken ózgeris ákelip otyr. Qazaqstan da bul úderisten shet qalmaı, jańa tehnologıalardy ıgerý arqyly ozyq elderdiń qataryna qadam basýǵa tıis.
Prezıdent Joldaýynda jasandy ıntellekt dáýirindegi eń basty qundylyq – adam ekenin erekshe atap ótti. Iaǵnı tehnologıa adamdy almastyrý úshin emes, oǵan kómektesý úshin jasalady. JI halyqtyń turmysyn jeńildetýge, jańa múmkindikterge jol ashýǵa jáne eldiń turaqty damýyna qyzmet etýge tıis.
Sonymen qatar, Joldaýda sıfrlyq transformasıany júzege asyrýdyń naqty baǵyttary belgilendi. Olardyń qatarynda: jasandy ıntellekt mamandaryn daıarlaý, jańa býyn kadrlaryn qalyptastyrý; ǵylymı-zertteý ortalyqtaryn ashý jáne halyqaralyq yntymaqtastyqty damytý; sıfrlyq ınfraqurylymdy jetildirý, ınternet sapasyn arttyrý; azamattardyń sıfrlyq saýattylyǵyn kóterý.
Bul mindetterdiń barlyǵy Qazaqstandy óńirdegi iri sıfrlyq ortalyqqa aınaldyrýǵa baǵyttalǵan, tipti Qazaqstan Respýblıkasy Jasandy ıntellekt jáne sıfrlyq damý mınıstrligi quryldy. Joldaýdy talqylap mazmunyn ashý jumystary halyq arasynda keńinen júrgizilýde.
Osy oraıda Almaty kitaphanalarynyń №39 bólimshesi «Batyr» Prezıdenttik polkiniń 0111 áskerı bólimimen birlese otyryp «Joldaý 2025: Jasandy ıntellekt jáne sıfrlyq damý – jańa dáýirge bastar jol» atty aýqymdy is- shara ótkizdi.
Joldaýdyń negizgi mazmunyn kópshilikke keńinen túsindirý, jasandy ıntellekttiń elimizdiń damýyndaǵy rólin aıqyndaý jáne osy baǵytta atqarylatyn jumystarǵa qoǵamnyń nazaryn aýdarý – basty maqsat. Osy oraıda Halyq qalaýlysy, Almaty qalalyq máslıhatynyń depýtaty Halyqaralyq “Qazaq tili” qoǵamynyń vıse-prezıdenti, til janashyry, mesenat Dýlat Tursynuly Tastekeı arnaıy qonaqqa shaqyrylyp,. osy joldaýdy, mazmunyn , onyń mańyzyn túsindirip jan jaqty taldap oıymen bólise kele «Jasandy ıntellektini kúndelikti ómirde paıdalaný qajettiligine toqtala otyryp, suranystardy múmkindiginshe qazaq tilinde berý tilimizdiń qoldanys aıasyn keńeıtýge múmkindik beretinin atap ótti».
Sondaı-aq 0111 áskerı bólimi komandıriniń orynbasary Jýsekeev Jandos Bolatbekuly da Prezıdent Joldaýy – jaı ǵana resmı qujat emes, árbir qazaqstandyqtyń ómir sapasyn jaqsartýǵa, qoǵamdaǵy ádilettilikti ornyqtyrýǵa baǵyttalǵan naqty baǵdarsham ekenin erekshe atap ótse, áskerı bólim sardarlary men sarbazdary ózderin qyzyqtyrǵan suraqtaryn qoıa otyryp, óz kózqarastaryn da ortaǵa salyp pikir almasty.
Prezıdent atap ótkendeı, búgingi zamanda jasandy ıntellekt búkil álemdi ózgertip jatyr. Ol – tek tehnologıalyq qural emes, ekonomıkany ósiretin, ǵylym men bilimdi damytatyn, halyqtyń turmysyn jaqsartatyn qýatty kúsh.
Prezıdenttiń Joldaýy – Qazaqstandy óńirdegi jasandy ıntellekt ortalyǵyna aınaldyrýǵa baǵyttalǵan naqty jospar. Jasandy Intellekt dáýirinde basty maqsat – adamdy almastyrý emes, adamǵa kómektesý. Ol halyqtyń ál-aýqatyn arttyryp, árbir azamatqa jańa múmkindikter usynady.
Bul Joldaý – bolashaqqa senim, elimizdiń ozyq tehnologıalar elderi qatarynan tabylýyna jasalǵan qadam.
JI dáýirindegi Qazaqstan – ádildikke, ashyqtyqqa, bilim men ǵylymǵa negizdelgen jańa memleket. Bul jolda árbir azamattyń atqarar úlesi zor. Shara sońynda áskerıler Dýlat Tursynulyna ortalaryna kelip aqparattarmen bólisip tereń túsinýge atsalysqany úshin, al Almaty kitaphanalary qyzmetkerlerine osynaý is-sharany uıymdastyrǵandary úshin rızashylyqtaryn bildirip áskerı bólim komandıriniń alǵys hatymen marapattady.