Qazirdiń ózinde bir jasqa tolmaǵan 200 shaqty náreste koronavırýstan emdelip jatyr.
Almatyda balalar arasyndaǵy indet juqtyrý kórsetkishi byltyrǵy jylmen salystyrǵanda 22 esege kóbeıgen, dep habarlaıdy Almaty-akhamy.kz Almaty.tv saıtna silteme jasap.
Dárigerlerdiń aıtýynsha, qalada 14 jasqa deıingi 965 bala COVID-19 shaldyqqan. Oǵan shaharda «delta» shtamynyń beleń alýy sebep bolǵan. Osylaı degen qalanyń bas sanıtarıalyq dárigeri Jandarbek Bekshın almatylyq ata-analardy balalaryn baqylaýǵa alýǵa shaqyrdy. Aıtýynsha, olar qoldaryn jıi sabynmen jýyp, dezınfeksıalaýy kerek. Adamdar kóp jınalatyn jerlerden aýlaq bolyp, qoǵamdyq oryndarda betperde taqqany jón.
"Delta" shtamynyń ereksheligi – bul jas balalar arasynda jyldam taralyp jatqan vırýs. Qazir shamamen 200 náreste bala aýyryp jatyr. Qala jurty osy kórsetkishti eskerse deımin. Ázirshe oıyn alańdary, saıabaqtar jáne basqa da qoǵamdyq oryndardan bas tarta turǵan jón. Ata-analar tolyq qyraǵylyq tanytýy kerek. Bes jastan asqan balalar betperde rejımin saqtaýy tıis», – dedi qalanyń bas memlekettik sanıtar dárigeri Jandarbek Bekshın.