Prezıdent tapsyrmalarynyń oryndaluy jónínde málímet beríldí.
Memleket basshysy Qasym-Jomart Toqaev Bílím jáne ǵylym mınıstrí Ashat Aımaǵambetovtí qabyldady, dep habarlady Almaty-akshamy.kz Akorda.kz saıtyna sílteme jasap.
Qasym-Jomart Toqaevqa bílím jáne ǵylym salasyn damytu jóníndegí tapsyrmalardyń oryndaluy jáne jańa oqu jylyna daıyndyq barysy turaly esep beríldí. Prezıdentke dástúrlí oqu formatyna oralu úshín júrgízílíp jatqan ūıymdastyru sharalary turaly bayandaldy.
Memleket basshysyna «Bílímdí Ūlt» ūlttyq jobasynyń daıyndaluy, Joldauda jáne Ūlttyq qoǵamdyq sením keńesíníń otyrystarynda berílgen Prezıdent tapsyrmalarynyń oryndaluy jaıynda málímet beríldí. Ūlttyq qoǵamdyq sením keńesíníń otyrystarynda berílgen tapsyrmalardyń 43 paıyzy bílím jáne ǵylym salasyna qatysty. «Oquǵa qūshtar mektep» jobasynyń ayasynda mektep kítaphanalarynyń qyzmetín qaıta qalyptastyru jáne kórkem ádebıet pen balalar ádebıetín satyp alu jūmystary atqaryluda. Sondaı-aq erekshe qamqorlyqty qajet etetín balalardy qoldau jūmystary júrgízílíp jatyr.
Ashat Aımaǵambetov Memleket basshysyna vedomstvony kásíbı kadrlarmen, sonyń íshínde, álemníń jetekshí unıversıtetteríníń túlekterímen jáne jastar kadrlyq rezervíníń múshelerímen kúsheıtu úshín júrgízílíp jatqan jūmystar turaly aıtty. Sondaı-aq sapasyz joǵary oqu oryndaryn jabuǵa qatysty Prezıdent tapsyrmalarynyń oryndaluy jónínde málímet beríldí.
Memleket basshysy mınıstrge būl baǵyttaǵy jūmystardy kúsheıtudí, sondaı-aq, sapasyz unıversıtetterdíń lıtsenzıyasyn qaıtaryp alu jáne olardyń jūmys ísteuíne merzím belgíleu rásímderín jeńíldetu úshín zańnamalyq tūrǵydan túzetuler engízu máselesín qarastyrudy tapsyrdy.
Qasym-Jomart Toqaev memlekettík joǵary oqu oryndary qyzmetkerleríníń eńbekaqysyn bıylǵy 1 qyrkúıekten bastap arttyru mańyzdy ekenín atap óttí.
Sonymen qatar Prezıdent oqushylar arasynda ótetín halyqaralyq olımpıadalardyń jeńímpazdaryn qoldau sharalaryn ázírleudí tapsyrdy.