Jol jabyny jaǵdaıyn zertteý qorytyndylaryna sáıkes ortasha jóndeý josparyna Baızaqov kóshesi engizilgen bolatyn.
29 tamyz saǵ.23:00-den 30 tamyz 06:00-ge deıin jol jabynyna ortasha jóndeý jumystarynyń júrgizilýine baılanysty Baızaqov kóshesiniń Tımırázev kóshesinen Sátbaev kóshesine deıingi bóliginde kólik qozǵalysy tolyǵymen jabylady, dep habarlaıdy Almaty-akshamy.kz.
Jabyq ýchaskeni Áýezov, Sátbaev Baıtursynov jáne Tımırázev kósheleri arqyly arqyly aınalyp ótýge bolady.
Jol-kólik oqıǵalaryn boldyrmaý jáne jol qozǵalysyn uıymdastyrý úshin joǵaryda atalǵan kóshe ýchaskesinde patrúldik polısıa polkiniń 2 ekıpajy jumyldyrylatyn bolady.
Jol jóndeý jumystary jaıly sońǵy jańalyqtar qala ákimdigi men qalalyq mobıldilik basqarmasynyń resmı paraqshalarynda, Almaty jol telegram arnasynda (https://t.me/AlmatyJoly), sonymen qatar, 2GIS jáne Iandeks karta qosymshalarynda qoljetimdi.
Jol jóndeý jumystary 2023 jylǵa josparlanǵan jumystar aıasynda júrgizilip otyr. Ýaqytsha qolaısyzdyqtar úshin keshirim ótinemiz.
Bul qala joldary uzaǵyraq paıdalanýǵa qajetti shara. Marshrýtty aldyn ala josparlap alyńyzdar.
