Alaıaq birneshe adamdy san soqtyryp úlgergen.
48 jastaǵy er adam 9 azamatty aldaǵan, dep habarlaıdy Almaty-akshamy.kz Polisia.kz-ke silteme jasap
«A. esimdi azamat Almatyda joq páterlerdi jalǵa bergen. Alaıaqtyq týraly shahardyń birneshe turǵyny polısıaǵa habarlasqannan keıin belgili boldy. Barlyǵynyń oqıǵasy birdeı. Páter jaldaýǵa tyrysqan olar tanymal ınternet-servısten habarlandyrýlardy izdedi. Naryqtaǵy baǵadan tómen baǵany kórip, habarlandyrýǵa telefon soqty. “Úı ıesiniń” birden-bir sharty aldyn ala tólem berý nemese turý úshin tolyq somany tóleý boldy. Klıentterdiń kóptigin jáne páterge birinshi bolyp aqsha tólegen adamǵa beriletindigin aıtyp óz áreketterin negizdedi. Kásipker azamat aqshany alǵannan keıin birden baılanysqa shyǵýyn toqtatyp, uıaly telefon nómirin aýystyrǵan», – deıdi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Almaty qalasy Krımınaldyq polısıa basqarmasy men Almaly aýdandyq Polısıa basqarmasyna qarasty polısıa bóliminiń qyzmetkerlerimen kúdikti qamaýǵa alyndy. Almaly aýdandyq polısıa basqarmasynda alaıaqtyq deregi boıynsha qylmystyq is tirkeldi. İs júrgizý barysynda onyń osyǵan uqsas 9 epızodqa qatysy bar ekendigi anyqtaldy. Keltirilgen shyǵynnyń jalpy somasy 530 myń teńgeni quraıdy.
«Tergeý kezeńinde ustalǵan adamǵa qatysty qamaýǵa alý túrindegi bultartpaý sharasy tańdaldy, ol ýaqytsha ustaý ızolátoryna qamaldy. Qosymsha tergeý sharalary júrgizilýde», – dedi Qýatbek Naýatov.