Qazaqstan Ulttyq banki erteń, 26 tamyzdan bastap TILASHAR koleksıalyq monetalarynyń satylymǵa shyǵatynyn málimdedi.
Tilashar – ár otbasynyń ómirinde kórinis tabatyn erekshe oqıǵalardyń biri. Buryn bul ǵuryp bala alǵashqy sózderdi aıta bastaǵannan bastap jasalǵan. Búgingi tańda bul dástúr bilim alý jolyndaǵy alǵashqy qadamdy bildiredi.
Nomınaly 500 teńgelik kúmisten, nomınaly 100 teńgelik melhıordan jáne nomınaly 100 teńgelik neızılberden jasalǵan TILASHAR monetalary «Qazaqstannyń ádet-ǵuryptary, ulttyq oıyndary» serıasyn jalǵastyrady, dep habarlaıdy Almaty-akshamy.kz QazAqparatqa silteme jasap.
Monetanyń negizgi betinde (aversinde), orta tusynda oıý-órnek ústinde Qazaqstan Respýblıkasynyń Memlekettik eltańbasy, jıeginde QAZAQSTAN RESPÝBLIKASY • REPUBLIC OF KAZAKHSTAN degen jazý, tómengi jaǵynda moneta nomınalyn bildiretin sandar ornalasqan.
Monetalardyń ekishi betinde (reversinde) mektep atrıbýty elementteri bar balalar sýretiniń beınesi berilgen, sonymen birge moneta jasalǵan metaldyń synamasy men massasy, soǵylǵan jyly kórsetilgen.
Kúmisten, melhıordan jáne neızılberden jasalǵan monetalardyń bet jaǵy men syrt kelbetindegi beıneler birdeı. Kúmisten jasalǵan monetalar túrli-tústi emal jaǵý tehnologıasyn qoldana otyryp jasalǵan, melhıordan jasalǵan monetalarda ınterferensıalyq qubylmaly bet qabatyn jaǵý tehnologıasy qoldanylǵan.
Monetalar:
- 925/1000 synamaly kúmisten, proof sapamen jasalǵan nomınaly 500 teńgelik monetanyń massasy 24 gram, dıametri 37 mm, taralymy 5 000 dana;
- MN 25 melhıor qospasynan, brilliant uncirculated sapasymen jasalǵan nomınaly 100 teńgelik monetanyń massasy 15 gram, dıametri 33 mm, taralymy 30 000 dana;
- MNS 15-20 neızılber qospasynan, brilliant uncirculated sapasymen jasalǵan nomınaly 100 teńgelik monetanyń massasy 11,17 gram, dıametri 31 mm, taralymy 100 000 dana.
Barlyq moneta naqty qunyna saı Qazaqstan Respýblıkasynyń búkil aýmaǵynda tólemniń barlyq túri boıynsha qabyldana beredi, sondaı-aq Qazaqstan Respýblıkasynyń barlyq bankterindegi bank shottarynda aýdarýǵa, usaqtaýǵa jáne aıyrbastaýǵa jatady.
Kúmisten jasalǵan monetalar kádesyı oramynda memlekettik tilde, orys jáne aǵylshyn tilderinde QUB-tyń nómirlik sapa sertıfıkatymen shyǵarylady.
Koleksıalyq monetalar Qazaqstan teńge saraıynda daıyndalǵan. QUB-tyń kazcoins.nationalbank.kz platformasyndaǵy ınternet-dúken arqyly satylady.