Mamandar pikir almasty.
Bitimgershilik daıyndyq ortalyǵynda Qazaqstan Respýblıkasy Qarýly Kúshteriniń Tyl bastyǵy jáne qarý-jaraq basqarmasy men Amerıka Qurama Shtattary Qarýly Kúshteri Ortalyq qolbasshylyǵynyń ókilderi jumys babymen kezdesti, dep habarlaıdy Almaty-akshamy.kz
Aqparat almasý barysynda áskerı nysandardyń qaýipsizdigin qamtamasyz etý salasyndaǵy yntymaqtastyq máseleleri qaraldy.
«Qazaqstan Qarýly Kúshteriniń ókilderi oq-dárilerdiń tehnıkalyq jaı-kúıin esepke alý, saqtaý, baqylaý jáne baǵalaýdy uıymdastyrý tájirıbesin zerdelep, materıaldyq múlikti saqtaý obektilerin salý jáne tehnıkalyq kúzet quraldaryn qoldaný máseleleri boıynsha pikir almasty», - delingen Qorǵanys mınıstrliginiń baspasóz qyzmetiniń habarlamasynda.
El Prezıdenti Qasym-Jomart Toqaevtyń tapsyrmasyna sáıkes, Qazaqstan Qarýly Kúshterinde oq-dárilerdi qaýipsiz saqtaýdy, paıdalanýǵa jaramsyz jáne odan ári saqtaýǵa qaýipti zattardy joıý sharalaryn iske asyrý jalǵasýda.