Búgin, 18 qyrkúıek kúni, saǵat 19:00-de Respýblıka saraıynyń aldyndaǵy Abaı alańynda «Mura» atty klasıkalyq mýzyka keshi ótedi, - dep habarlaıdy Aqshamnews.kz.
Konsert Almatynyń Qala kúni qarsańynda uıymdastyrylyp, megapolıs turǵyndary men qonaqtaryna ákimdik pen Abaı atyndaǵy Qazaq ulttyq opera jáne balet teatrynyń syıy bolmaq. Teatr óz kezeginde 92-maýsymyn ashyp otyr.
Ashyq aspan astyndaǵy sahnada Shtraýs pen Pýchchınıdiń shyǵarmalarynan bastap, Abaı men Hasanǵalıevtiń ánderine deıin álemdik jáne qazaq klasıkasynyń jaýharlary oryndalady. Baǵdarlamada arıalar, romanstar jáne eldiń eń tańdaýly daýys ıeleriniń sherýi bar. Olardy hor, sımfonıalyq orkestr jáne balet artıseri súıemeldeıdi. Eýropa saz óneriniń názik órnegi men ulttyq áýenniń baı qazynasy toǵysyp, ónerdiń úlken merekesine aınalady. İs-sharaǵa kirý tegin.
Uıymdastyrýshylar kórermenderdi dástúrli klasıka men zamanaýı tehnologıalardyń úılesimimen tańqaldyrýdy kózdep otyr. Ár nómirge fýtýrızm elementteri bar eksklúzıvti kostúmder men erekshe senografıalyq sheshimder daıyndalǵan. Jaryq berý effektileri men jyljymaly qurylymdar Qazaqstanda buryn-sońdy bolmaǵan erekshe kórinis jasaıdy. Bul keshte ulttyq jáne álemdik operadan bólek, áıgili múzıkl men balet qoıylymdarynan úzindi oryndalyp, konsert shyn máninde umytylmas oqıǵaǵa aınalady.