Qazaqstannyń Eńbek Eri, KSRO Halyq ártisi Asanáli Áshimuly «Samal» shaǵynaýdanynda ornalasqan №382 saılaý ýchaskesine baryp, prezıdent bolýǵa laıyqty sanaǵan úmitkerin tańdady.
«Halyqtyń ál-aýqaty, kóńil-kúıi túzelmeı, bereke bolmaıdy. Kóńil-kúı jaqsy bolǵan kezde ǵana jumysta bereke bolady. Bul bir. Ekinshiden, ǵylym, bilim, mádenıetti damytý kerek. Ulylardyń aıtýynsha, mádenıetsiz, ádebıetsiz el – el emes. Sondyqtan men tańdaǵan kandıdat osyǵan kóp kóńil bóledi dep senemin. Keleshek úshin adal qyzmet isteıdi dep oılaımyn», - dedi Qazaqstannyń Eńbek Eri, KSRO Halyq ártisi Asanáli Áshimuly.