Almaty polısıasy múgedek arbasynda otyrǵan zeınetkerdi qaıyr suraýǵa májbúrlegenderge is qozǵady, dep habarlaıdy Almaty-akshamy.kz.
Eske sala keteıik, jelide áldebireýler 66 jastaǵy almatylyq kemtar áıeldi quldyqta ustap, kúni boıy jol boıynda qaıyr suraýǵa májbúr etkeni jaıly habar tarady.
Arbaǵa tańylǵan zeınetkerdi jaıma bazarda volonterler baıqap qalǵan.
Almaty qalasy PD atalǵan derek sotqa deıingi tergeýdiń biryńǵaı tizilimine QR QK 126-baby boıynsha tirkelgenin habarlady.
Qylmystyq is boıynsha óndiristi Jetisý aýdandyq PB qyzmetkerleri júrgizip jatyr.
Oqıǵanyń mán-jaıy anyqtalyp, Qazaqstan zańnamasyna sáıkes sharalar qabyldanady.