Polıseıler qalalyq prokýratýranyń úılestirýimen jáne uıaly baılanys operatorlarynyń biriniń mamandarynyń kómegimen alaıaqtyq tizbekke qatysýshylardyń birin anyqtady.
Onyń jalǵa alǵan úıinde «Kıberpol» qyzmetkerleri 36 GSM-shlúzin tapty, onyń ishinde ártúrli uıaly baılanys operatorlarynyń 63 SIM-kartasy bar, dep habarlaıdy aqshamnews.kz Polisia.kz-ke silteme jasap.
Arnaıy is-shara barysynda shaǵyn ATS ákimshisi qyzmetin atqarǵan 22 jastaǵy jigit ustaldy. Almaly aýdandyq polısıa basqarmasy abonenttiń uıaly baılanys qurylǵysynyń sáıkestendirý kodyn, abonentti sáıkestendirý qurylǵysyn zańsyz ózgertý, sondaı-aq abonenttik qurylǵynyń sáıkestendirý kodyn ózgertýge arnalǵan baǵdarlamalardy jasaý, paıdalaný jáne taratý derekteri boıynsha qylmystyq is qozǵady. Kúdikti qamaýǵa alyndy. Alaıaqtyqqa qatysy bar basqa adamdardy anyqtaý boıynsha jedel sharalar jalǵasýda.