Áýejaı jumysshylary kómekke zárý azamattardy qas-qabaǵyna qarap-aq ajyrata bilgeni abzal.
Almaty Halyqaralyq áýejaıynyń qyzmetkerleri adam saýdasynyń yqtımal qurbandaryn anyqtaý jóninde trenıńten ótti, dep habarlaıdy «Habar 24».
Semınardy ótkizgen AQSH-tyń Halyqaralyq damý agenttiginiń «Ortalyq Azıadaǵy qaýipsiz kóshi-qon» jobasy ókilderiniń aıtýynsha, álemde jylyna 50 mln kisi adam saýdasynyń qurbany bolady eken. Qazaqstan tranzıttik memleket bolǵandyqtan, osyndaı zańsyzdyq oryn alýy ábden múmkin. Sondyqtan áýejaı jumysshylary kómekke zárý azamattardy qas-qabaǵyna qarap-aq ajyrata bilgeni abzal. Almaty áýejaıynda jolaýshylar tasymaly jyl sanap artyp keledi. Naqtyraq aıtsaq, 2021 jyly 6,1 mln adamǵa, al byltyr 7,2 mln jolaýshyǵa qyzmet kórsetken. Maman pikirinshe, bul problemanyń aldyn alý úshin elimizde quzyrly organdardy bir arnaǵa toǵystyratyn «Adam saýdasyna qarsy kúres týraly» alǵashqy zań jobasy ázirlenýde.
«Men osy áýejaıda 20 jyldan asa qyzmet etip kelemin. Tórt kúndik semınarda biz jolaýshylardy bet-beınesine, ózin-ózi ustaýyna qarap qaýipti anyqtaýdy úırendik. Sonymen qatar bizge kúdikti jolaýshylarmen durys baılanys ornatýdy da kórsetti. Mundaı semınarǵa birinshi ret qatysyp otyrmyn», - deıdi áýejaı qyzmetkeri Tatána Zaharchenko.