Apatty aǵashtardy kesý baǵdarlamasy jasalyp jatyr.
Almaty qalasynda 2,8 mln jasyl jelek bolsa, 84 myńy jaramsyz, apatty jaǵdaıda. Bul týraly qalalyq jasyl ekonomıka basqarma basshysynyń mindetin atqarýshy Serik Ádilbaev aıtty, dep habarlaıdy Almaty-akshamy.kz QazAqparatqa silteme jasap.
«Almatyda 2 809 183 aǵash pen buta bar. Onyń ishinde saý aǵash – 1 946 234, kári aǵash – 360 309, jas óskinder – 418 012 jáne apatty 84 628 aǵash bar», - dedi basqarma basshysy.
Onyń aıtýynsha, adam ómirine, densaýlyǵyna, múlkine qaýip tóndiretin ózegi shirigen jasyl jelekterdiń basym bóligi qalanyń ortalyǵynda ósip tur. Kóshe boıynda 34 962, aýlalarda 49 666 aǵash bar.
«Jyl saıyn aýdandyq ákimdikterge 1,9 myń aǵash kesýge jáne onyń ornyna mindetti túrde 19 myń túp aǵash otyrǵyzý úshin 54 mln teńge bólinedi», - dedi spıker.
Sonymen qatar, ol qaladaǵy barlyq apatty aǵashtardy kesý baǵdarlamasy jasalyp jatqanyn tilge tıek etti. Ár kesilgen taldyń ornyna 10 kóshetten otyrǵyzylady.