Almaty qalasy boıynsha Eńbek, áleýmettik qorǵaý jáne kóshi-qon departamentiniń basshysy Murat Muratbekov Óńirlik komýnıkasıalar qyzmetiniń brıfıńinde múgedek balalarǵa arnalǵan járdemaqyny arttyrý týraly aıtty dep habarlaıdy almaty-akshamy.kz
«Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» QR Zańy 24 qazanda kúshine endi.
- Endi zańnama memleket kórsetetin áleýmettik kómekti, onyń ishinde balanyń densaýlyq jaǵdaıyna, tynys-tirshiliginiń shektelý dárejesine jáne organızm fýnksıalarynyń buzylýyna baılanysty múgedektigi boıynsha járdemaqylardyń mólsherin saralaýdy kózdeıdi. Sonymen qatar, 7 jastan 16 jasqa deıingi balalarǵa múgedektik toptary komısıanyń syrttaı sheshimi negizinde, ıaǵnı avtomattandyrylǵan rejımde ornatylatyn bolady, - dedi Murat Muratbekov.
Eger buryn múgedektikti toptar boıynsha bólý tek 16-18 jas aralyǵyndaǵy balalar arasynda bolsa, túzetýlerden keıin 7-16 jas aralyǵyndaǵy balalar arasynda múgedektik toptary paıda boldy. Jańa shara osy balalar dertiniń aýyrlyǵyna baılanysty járdemaqy mólsherin belgileýge múmkindik beredi:
- birinshi toptaǵy múgedek bala tıisinshe 1,92 TKD jáne 1,49 AEK alatyn bolady;
- ekinshi toptaǵy múgedek bala – tıisinshe 1,59 TKD jáne 1,49 AEK;
- úshinshi toptaǵy múgedek bala-tıisinshe 1,4 TKD jáne 0,96 AEK.
Múgedek balalardyń barlyq toptary úshin járdemaqy mólsheri 16,7%-dan 37%-ǵa deıin ulǵaıtyldy. Qazirgi ýaqytta Eńbek, áleýmettik qorǵaý jáne kóshi-qon departamentiniń derekteri boıynsha Almatyda 7 jastan 16 jasqa deıingi 4 460 múgedek bala turady, onyń ishinde birinshisine 848 bala, ekinshisine 1 327 bala jáne úshinshi topqa 2 285 bala jatady.
Múgedektik toptardy medısınalyq-áleýmettik saraptama bólimderi bir ret avtomattandyrylǵan rejımde belgileıtini óte mańyzdy. Bul MÁS-ta bar derekter negizinde syrttaı shyǵarylǵan saraptamalyq qorytyndy bolady. Endi balalardyń ata-analary men zańdy ókilderine múgedektik tobyn anyqtaý úshin memlekettik organdarǵa barýdyń qajeti joq.