Áıel josparly túrde perınataldyq ortalyqqa baryp, tıisti daıyndyq sharalary ótkizilgennen keıin oǵan kesar tiligi jasalǵan.
Bul qýanyshty jaǵdaıdy №2 qalalyq perınataldyq ortalyq habarlap otyr. Ortalyq dırektorynyń orynbasary Qymbat Ábdiraıymovanyń aıtýynsha, jasandy uryqtandyrý (EKU) áıelge kesh jáne óte qajet júktilikti júzege asyrýǵa kómektesken, dep habarlaıdy Almaty-akshamy.kz.
"Operasıa asqynýsyz sátti ótti. Dúnıege salmaǵy 2589 gr qyz jáne 2345 gr ul keldi. Baqytty ana ózin jaqsy sezindi. Al egiz - ul men qyz saý bolyp týdy", - deıdi maman.
Operasıadan keıin ana men sábıler bosanǵannan keıingi akýsher-dárigerler men jańa týǵan balalar bólimshesiniń neonatolog-dárigerleriniń baqylaýynda boldy. Operasıadan keıingi tórtinshi kúni pasıenttiń turaqty jaǵdaıyn, shaǵymdardyń joqtyǵyn, klınıkalyq-zerthanalyq derekterdiń qalypty kórsetkishin eskere otyryp, ol úıge shyǵaryldy.
"Emosıamdy sózben jetkize almaımyn. Meniń 50 jyldyq sátsiz júkti bolý áreketim aıaqtaldy. Men jasandy (ekstrakorporaldy) uryqtandyrý (EKU) prosesin muqıat tekserilip, barlyq yqtımal qaýipti anyqtaǵannan keıin bastadym. Bul kezeńde qıyn boldy jáne júktilik tek EKU-nyń úshinshi retinde keldi. Meniń jasymdaǵy júkti áıelderde sozylmaly aýrýlardyń órshý máselesi jıi kezdesedi. Sonymen qatar egiz bolýyna baılanysty asqynýlar qosylady. Bul eki ese aýyr boldy. Sonda da men balaly bolýdy armandadym. Ana ataný armanymdy oryndaǵan Alla Taǵalaǵa rızamyn. Medısına qyzmetkerlerine alǵys bildiremin, olardyń baǵa jetpes zor úlesin atap ótkim keledi. Raqmet sizderge, aq halatty abzal jandar", - dedi egizdiń anasy.