Aldaǵy jylytý maýsymyna daıyndyq kezeńiniń ishinde Almaty qalasynyń Almaly aýdanynda Jylý jelilerin josparly jańǵyrtý júrgizilýde. Jumystardyń sheńberinde 1980 jyly paıdalanýǵa berilgen uzaqtyǵy 130 metr jylý trassasy aýystyrylady.
Osyǵan baılanysty 2025 jylǵy 15 tamyzdyń saǵat 23:00 bastap 18 tamyzdyń saǵat 07:00 deıin Jambyl kóshesimen Isaev kóshesinen bastap Baıǵanın kóshesine deıin avtokólikter qozǵalysy jabylady.
Shekteýler kórsetilgen kóshe ýchaskesiniń júrgin bóliginiń astymen ótetin magıstraldyq qubyrjoldardy jańǵyrtý boıynsha josparly jumystardyń qaýipsizdigin qamtamasyz etý úshin engiziledi. Jańǵyrtý jumystaryn júrgizý merziminiń ishinde tutynýshylarǵa ystyq sý berý úzilmeıdi.
Osy jylý jelisi 2 kóppáterli turǵyn úıdiń turǵyndary úshin jylý energıasyn berýdi jáne ystyq sýmen jabdyqtaýdy qamtamasyz etedi.
Jalpy alǵanda, aǵymdaǵy jyly qala boıynsha 39 km jylý jelilerin jańǵyrtý josparlanǵan. Bul tozý deńgeıin 54% deıin azaıtýǵa múmkindik beredi.
Eske salamyz, qozǵalystardy shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde ornalastyrylǵan.