Qazaqstan ANKA óndirisi jolǵa qoıylǵan alǵashqy shet el atandy.
Bul týraly ındýstrıa jáne ınfraqurylymdyq damý mınıstrligi málimdedi, dep habarlaıdy Almaty-akshamy.kz Qazaqtv.com saıtyna silteme jasap
«Kelisim aıasynda ushqyshsyz ushý apparattaryn birlesip óndirý salasyndaǵy uzaq merzimdi yntymaqtastyq, sondaı-aq Qazaqstannyń Qarýly kúshteri úshin ushý apparattaryn tehnıkalyq qyzmet kórsetý jáne jóndeý úshin tehnologıalardy berý jáne personaldy oqytý josparlanýda», - delingen habarlamada.
Aıta keteıik, ushqyshsyz ushatyn ANKA barlaý jáne soqqy apparaty 2013 jyldan beri Túrkıada qurastyrylady. Urys jaǵdaıynda synaldy. Ushý apparatynyń joǵary ushý salmaǵy – 1 700 keli, 350 kelige deıingi paıdaly júktemeni kóterýge qabiletti. Ushý ýaqyty – eń joǵary 9 000 metrge deıingi bıiktikte 30 saǵatqa deıin.