33 jastaǵy er adam shıe súıeginen ýlanyp, ólip qala jazdady, dep habarlaıdy aqshamnews.kz
Almaty qalasy qoǵamdyq densaýlyq saqtaý basqarmasynyń málimetinshe, oqıǵa aldynda er adam shıe súıekteri bar úıde daıyndalǵan sharap ishken. Shaqyrtylǵan jedel járdem ony birden №7 qalalyq klınıkalyq aýrýhanaǵa jetkizip, naýqasty reanımasıalyq brıgada qarsy aldy.
"Shıe súıegi sınıl qyshqylyn bóledi", – dep túsindirdi №7 qalalyq klınıkalyq aýrýhananyń reanımatolog-dárigeri Klara Jarmaǵambetova.
Aýrýhana baspasóz qyzmetiniń málimeti boıynsha, shıe súıeginde kezdesetin amıgdalın glıkozıdi asqazanǵa túskende, asqazan sóli áserinen sınıl qyshqylyna aınalyp, kúshti ýǵa aınalady. Ol adamdy ýlap, tipti ólimge ákelýi yqtımal. Úıde daıyndalǵan tunba nemese sharapta sınıl qyshqylynyń mólsheri aıtarlyqtaı joǵary bolýy múmkin, sondyqtan dárigerler shıe súıegin jutpaýǵa keńes beredi.