Elimizde «2022-2024 jyldarǵa arnalǵan respýblıkalyq búdjet týraly» zańǵa engizilgen ózgeristerge sáıkes, bıyl 1 sáýirden bastap aılyq eseptik kórsetkish, eń tómengi zeınetaqy, bazalyq zeınetaqynyń eń tómengi mólsheri, eń tómengi kúnkóris deńgeıi ósti, dep habarlaıdy Almaty-akshamy.kz QazAqparatqa silteme jasap.
«Azamattarǵa arnalǵan úkimet» memlekettik korporasıasy» KEAQ-nyń Almaty qalasy boıynsha fılıalynyń málimetine sáıkes,1 sáýirden bastap: aılyq eseptik kórsetkish – 3180 teńge (3063 teńge 01.01.2022j. bastap), eń tómengi zeınetaqy – 48032 teńge (46302), bazalyq zeınetaqynyń eń tómengi mólsheri – 20 191 teńge (19450), eń tómengi kúnkóris deńgeıi – 37 389 teńge (36018), eń tómengi jalaqy – 60000 teńge (60000) boldy. Múgedektigi boıynsha, asyraýshysynan aıyrylýy boıynsha memlekettik áleýmettik járdemaqylar da ósti. Mysaly, İ toptaǵy múgedekke beriletin járdemaqy 69 155-ten 71 787 teńgege ósti. Jańa týǵan balaǵa beriletin birjolǵy járdemaqy 116 394 teńgeden 120 840-qa ósti. Tórtinshi balaǵa 192 969-dan 200 340 teńge boldy Sondaı-aq 1 sáýirden bastap, osyǵan deıin taǵaıyndalǵan jasyna baılanysty jáne eńbek sińirgen jyldary úshin zeınetaqy tólemi 4%-ǵa artty. Onyń mólsherin esepteý úshin eskeriletin eń joǵary tabys 46 eselengen AEK-ten aspaýy kerek. Iaǵnı, 146 280 teńge. 2022 jyly 1 qańtarda bul kórsetkish 140 898 teńgeni qurady.
«Azamattarǵa arnalǵan úkimet» memlekettik korporasıasy» KE AQ-nyń Almaty qalasy boıynsha fılıaly dırektorynyń orynbasary Farıda Bokıjanovanyń aıtýynsha, Almatyda 231 740 zeınetkerdiń zeınetaqysy ósken.
«Múgedektigi boıynsha 37 660 jáne asyraýshysynan aırylǵan 12 571 adamnyń járdemaqysy artqan. Jalpy, búgingi kúni Almaty qalasynda arnaıy memlekettik járdemaqy alýshylar – 28 677, kóp balaly otbasylar – 26 761, kóp balaly analar, alqamen marapattalǵandar – 4 982, bir jasqa deıingi kútim boıynsha járdemaqy alýshylar – 3 153-ti quraıdy», - dedi ol.
Sondaı-aq ol memlekettik korporasıa kórsetetin 44 memlekettik qyzmet túrine elektrondy túrde onlaın ótinish berýge bolatynyn, ol úshin qyzmet alýshylardyń uıaly telefon nómirleri mindetti túrde mobıldi azamattar bazasyna (MAB) tirkelýi kerek ekenin jetkizdi.