Asa qaýipti ınfeksıalyq jáne ınvazıalyq aýrýlardyń taralýyn boldyrmaý, sondaı-aq qabaǵan ıtterdiń adamdarǵa shabýylyn aldyn alý maqsatynda 2025 jyly Almaty qalasynyń veterınarlyq qyzmeti arnaıy tehnıkalar parkin jańartýdy josparlap otyr. Bul týraly Almaty máslıhatynyń sesıasynda habarlandy, onda 2025-2027 jyldarǵa arnalǵan qala búdjeti qabyldandy, dep habarlaıdy aqshamnews.kz
2025 jyly veterınarlyq qyzmet qala úshin 14 birlik arnaıy tehnıka satyp alady, onyń ishinde:
- 11 birlik júk kóligi, bul ustaý brıgadalaryn kóbeıtýge múmkindik beredi;
- 2 refrıjerator, bul janýarlardyń ólekselerin veterınarlyq jáne sanıtarlyq normalarǵa sáıkes ýaqytyly jınap, tasymaldaýǵa arnalǵan;
- 1 pıkap veterınarlyq dárigerler úshin aýyl sharýashylyǵy janýarlarymen veterınarlyq is-sharalar júrgizý kezinde jetýi qıyn jerlerge barýǵa arnalǵan.
Sondaı-aq, 2025-2027 jyldary úı janýarlaryn ustaý qyzmetiniń shtaty kóbeıtiledi, bul ýaqytyly ustaý, ólekselerdi jınaý jáne aýyl sharýashylyǵy men úı janýarlarynyń ólekselerin shyǵarý jumystaryn tıimdi júrgizýge múmkindik beredi. Sonymen qatar, UUVB (ustaý-uryqsyzdandyrý- vaksınasıa-bosatý) baǵdarlamasyn belsendi túrde júzege asyrý josparlanǵan.
Eske salsaq, 2023 jyly jeltoqsanda veterınarlyq qyzmet «KIA BONGO» markaly 12 birlik jeńil júk avtokóligin satyp aldy, sonyń arqasynda qaraýsyz qalǵan buralqy janýarlardy ustaý brıgadalarynyń sany artty. 2024 jyldyń qańtarynan bastap 8 aýdanǵa kúnine 2 brıgada shyǵyp, turǵyndar men zańdy tulǵalardan áleýmettik jeliler men aýdan ákimdikteri arqyly túsetin ótinishterdi oryndaýda.
Júrgizilip jatqan jumystar men avtokólik satyp alý qaladaǵy epızootıalyq jaǵdaıdy turaqtandyrýǵa, QR «Janýarlarǵa jaýapty qaraý týraly» zańyn tıimdi júzege asyrýǵa múmkindik beredi.