Almaty qalalyq mobıldilik basqarmasynyń málimetinshe, bıyl qalada Seıfýllın dańǵyly men Jansúgirov kóshesiniń qıylysyndaǵy jolaıyryqtyń qurylysy, sondaı-aq Saın kóshesin Rysqulov dańǵylynan Aqyn Sara kóshesine deıin jáne Abaı dańǵylyn qalanyń shekarasyna deıin uzartý jumystary aıaqtalady, dep habarlaıdy aqshamnews.kz
Mamyr aıynda Abaı dańǵylyn B.Momyshuly kóshesinen qalanyń shekarasyna deıin uzartý jobasy iske qosylady. Uzyndyǵy 5,3 km bolatyn bul alty jolaqty joldyń eki jaǵynda da velojoldar men jaıaý júrginshiler joldary qarastyrylǵan.
Jazda Saın kóshesin Rysqulov dańǵylynan Aqyn Sara kóshesine deıin uzartý jumystary aıaqtalady. Uzyndyǵy 3,2 km bolatyn bul joldyń arqasynda Momyshuly kóshesindegi kólik júktemesi 40%-ǵa tómendeıdi.
Maýsym aıynda Jansúgirov kóshesi men Seıfýllın dańǵylynyń qıylysyndaǵy jolaıyryqtyń qurylysyn jáne oǵan irgeles aýmaqty kórkeıtý jumystaryn tolyq aıaqtaý josparlanyp otyr.