Almatyda Qurmanǵazy kóshesiniń boıyndaǵy 38 jyl buryn iske qosylǵan qubyr aýystyryldy
Almatyda Qurmanǵazy kóshesiniń boıymen Pýshkın kóshesinen Zenkov kóshesine deıin tóselgen qubyr aýystyryldy. Bıyl qaıta jóndeýden ótkizilgen ýchaskeniń uzyndyǵy 305 metrdi quraıdy, dep habarlaıdy aqshamnews.kz
Aýystyrylǵan qubyr 1986 jyly paıdalanýǵa berilgen edi, ol 5 kóppáterli turǵyn úı men 4 basqa da nysandy jylý jáne ystyq sýmen qamtamasyz etip otyr.
Jalpy, bıyl qalada Almaty ákimi Erbolat Dosaevtyń tapsyrmasymen uzyndyǵy 20 shaqyrym jylý jelileri qaıta jańǵyrtyldy. Jańǵyrtý jumystary jyl saıyn jylytýaralyq kezeńde júrgiziledi, bıyl olar Almaty qalasynyń 6 aýdanynda atqaryldy.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.
