Almatyda jylý sharýashylyǵyn jańǵyrtýdyń eń úlken kezeńi aıaqtalyp qaldy. «Almaty qalasyn damytý jol kartasy» aıasynda «Almatyteplokommýnenergo» JSHS-niń 17 qazandyǵy jóndeldi. Bul — qaladaǵy barlyq nysandardyń shamamen 20%-y. Energetıka jáne sýmen jabdyqtaý basqarmasynyń basshysy Nurbaqyt Serikbaı Óńirlik komýnıkasıalar qyzmetiniń brıfıńinde osylaı dep habarlady.
Jóndeý jumystary Túrksib, Medeý, Alataý men Jetisý aýdandarynda júrgizildi. Jobalar aıasynda eskirgen jabdyqtar aýystyrylyp, basqarý júıeleri jańartyldy, jańa deaeratorlar, sorǵylar men akýmýlátorlyq baktar ornatyldy, sondaı-aq osy zamanǵy qazandyq ǵımarattary salyndy.
«Kásiporyn qazandyqtardy jóndeý, jańartý men qaıta qurý boıynsha kóp jumys istedi. Basty maqsatymyz — qala turǵyndaryn senimdi, qaýipsiz jáne tıimdi jylýmen qamtamasyz etý», — deıdi basqarma basshysy.
2026 jyly jol kartasy aıasynda taǵy 20 qazandyqty jańartý josparlanyp otyr. 2030 jylǵa deıin 61 nysan jańǵyrtylmaq. Bul qaladaǵy jylý júıesiniń qýatty únemdep, senimdi ári taza bolýyn qamtamasyz etpek.