Almatylyqtardy kóp jaǵdaıda abattandyrý men ekologıa máselesi toǵandyrady.
Bul týraly Almaty qalasynyń ákimi Erbolat Dosaev OKQ-da ótken Almaty qalasynyń áleýmettik ekonomıkalyq damýynyń 5 aıdaǵy negizgi qorytyndylary týraly sóılegen sózinde aıtty, dep habarlaıdy Almaty-akshamy.kz.
Qazaqstan Respýblıkasy Prezıdentiniń «Halyqqa esep berý kezdesýlerin ótkizý týraly» Jarlyǵyna sáıkes, ákimdik aǵymdaǵy jyldyń İİ toqsanynda qalanyń barlyq aýdandarynda turǵyndarmen 38 kezdesý ótkizdi, onyń ishinde 8 kezdesýdi qala ákimi ár aýdanda ótkizdi.
Kezdesýlerge 40 myńnan astam turǵyn qatysty (zalda – 5 myń adam, onlaın – 35,3 myń adam) jáne 1 917 suraq qoıyldy, onyń ishinde qala ákimi ótkizgen kezdesýlerge 36,2 myń adam (zalda – 3,9 myń adam, onlaın – 32,3 myń adam) qatysyp, 663 suraq qoıyldy.
Turǵyndar kótergen máselelerdiń shamamen 60%-ke jýyǵy abattandyrý men ekologıa (459), ınjenerlik jáne kólik ınfraqurylymy (300), jer men turǵyn úı (184), áleýmettik obektiler (101), kásipkerlik (69) máselelerine qatysty boldy.