Almaty turǵyny joq Toyota kólikterin satqan, – dep habarlaıdy almaty-akshamy.kz.
Kúdikti 43 jastaǵy S.esimdi er adam naryq baǵasynan tómen baǵamen Toyota Camry 40 kóligin “satqan”. Alaıaqtyq maqsattaryn júzege asyrý úshin er adam birneshe uıaly telefon qoldanǵan. Ol ózin kólik ıesimin, keıin lombard qyzmetkerimin nemese Halyqqa qyzmet kórsetý ortalyǵynyń qyzmetkerimin dep tanystyrdy.
– Eń ótimdi kólikterdiń birin arzan baǵamen satyp alǵysy keletinder kóp boldy. Kelissózder barysynda alaıaq jábirlenýshilerdi klıent kóp dep túsindirip, aldyn ala tólem tóleýge asyqtyrdy. Aqsha aýdarǵan soń qaskóı telefondy óshirip tastaǵan. Ustalǵan azamatqa qatysty QR QK-niń 190-baby boıynsha sotqa deıingi tergeý amaldary bastaldy, – dedi Alataý aýdandyq Polısıa basqarmasynyń bastyǵy İlıas Ómirserikov.
Belgili bolǵandaı, qazirgi ýaqytta S.esimdi azamattyń qatysýymen 15 alaıaqtyq faktisi anyqtaldy. Ol ýaqytsha ustaý ızolátoryna qamaldy.
Polıseıler osy adamnyń áreketinen zardap shekken azamattardy myna telefon nómirleri boıynsha habarlasýlaryńyzdy suraıdy: 227-55-02; 8-708-380-54-00; 8-775-663-94-36.
Aqparat kózi Polisia.kz saıtynda: https://polisia.kz/almaty-turghyny-zhoq-toyota-kolikterin-satqan/