Jol ortasynda salto jasaǵan almatylyq ekinshi ret jaýapqa tartyldy
Almaty kósheleriniń birinde jas jigit qaýipti trúk jasady. Ol joldyń bir betinen ekinshi betine salto jasap ótti, dep habarlaıdy Almaty-akshamy.kz
Onyń vıdeosyn Almaty qalalyq PD basshysynyń orynbasary Rústem Ábdirahmanov óziniń Instagram-daǵy paraqshasynda jarıalady.
Aıta keteıik, buǵan deıin vıdeodaǵy jas jigit QR Ákimshilik quqyq buzýshylyq týraly kodekstiń 590-baby 2-bóligi (memlekettik tirkeý nómiri belgileri joq nemese paıdalanýǵa tyıym salynǵannan keıin nemese belgilengen tártippen tirkelmegen kólikti basqarý) jáne 593-baptyń 2-bóligi (qaýipsizdik beldikterin nemese motoshlemderdi paıdalaný qaǵıdalaryn saqtamaý) boıynsha ákimshilik jaýapqa tartylǵan bolatyn.
«Bul joly jolaýshy ornynda otyrǵan ol kóshe qıylysynda toqtap turǵan kólikten atyp shyǵyp, joldyń bir betinen ekinshi betine salto jasap ótti. Keıin joldan qaıta ótip, kólikke oraldy. Almatylyq ekinshi ret jol erejesin buzǵany úshin ÁQBtK 615-babynyń 1-bóligi boıynsha ákimshilik jaýapqa tartyldy», - dep jazdy Rústem Ábdirahmanov.