Vaksınasıa tumaýdyń aldyn alýdyń tıimdi ádisi bolyp qala beredi. Bul týraly búgin Almaty qalasynyń Óńirlik komýnıkasıalar qyzmetiniń alańynda Almatydaǵy №36 qalalyq emhananyń jalpy tájirıbelik dárigeri Raýan Núrkenov aıtty, - dep habarlaıdy almaty-akshamy.kz
JRVI jáne tumaý sanynyń artqany baıqalady. Dáriger muny megapolıstegi halyqtyń kóptigimen jáne adamdar kóp jınalatyn oryndarmen túsindirdi. Sondyqtan vırýstyq aýrýlar óte tez taralady. Dárigerdiń aıtýynsha, tumaý áli de belgili bir qaýip tóndiredi.
«Tumaýmen aýyrǵandar kóbeıip keledi. Tumaýdyń negizgi shtammdaryna qarsy ımýnıtet bar. Biraq tumaý shtamdary jyl saıyn mýtasıaǵa ushyraıdy. Jyl saıyn bizge tumaýdyń jańa shtammdary keledi. Sondyqtan tumaýǵa qarsy vaksına jyl saıyn ózgertilip otyrady», - dedi ol.
R.Nurkenovtyń aıtýynsha, vırýstar ásirese sozylmaly aýrýlary bar adamdar úshin qaýipti.
«Bizge kelgen naýqastar arasynda arasynda júkti áıelder de bar. 15-20 paıyz shamasynda. Sáıkesinshe, qazirdiń ózinde maýsymdyq tumaýmen aýyrý júrip jatyr. Júkti áıelder tumaýmen jáne JRVI-men aýyrǵan kezde olarǵa profılaktıkalyq jáne sımptomatıkalyq em kórsetiledi, sonyń arqasynda olardyń jaǵdaıynyń jaqsarýy baıqalady. Antıbıotıkter, eger qazirdiń ózinde asqynýlar bolsa, kórsetkishter boıynsha ǵana taǵaıyndalady. Egde jastaǵy adamdarda asqynýlar jıi kezdesedi, óıtkeni olardyń sozylmaly aýrýlary bar. Al balalardyń ımýnıteti tolyq qalyptaspaǵan», - dedi spıker.
Aýrýdyń aldyn alý úshin dáriger ımýnıtetti kóterip, adamdar kóp baratyn jerlerden saq bolý jáne densaýlyqty kútý kerek degen keńes berdi.
R.Nurkenov densaýlyqqa kútimmen qarap, ımýnıtetti kóterip, sportpen shuǵyldanýǵa keńes berdi.