Qazirgi kezde qalada barlyǵy 860 mektepke deıingi uıym jumys isteıdi.
Megapolıs ákimi Baqytjan Saǵyntaev dástúrli tamyz keńesinde balalardy mektepke deıingi sapaly tárbıemen qamtamasyz etý sharalary týraly aıtty, dep habarlaıdy Almaty-akshamy.kz.
«Almaty mektepteri poskovıdtik kezeńde: Bilim sapasy, balalardyń densaýlyǵy jáne otbasynyń róli» atty onlaın-forým barysynda megapolıs ákimi Baqytjan Saǵyntaev jańa oqý jylynda mektepke deıingi bilim berý salasynda ótken jyly qolǵa alynǵan bastamalardy iske asyrý jónindegi jumystardyń jalǵasatynyn atap ótti.
«Biz qazirdiń ózinde mektepke deıingi salaǵa jeke sektordy tartýdyń jaqsy úrdisin kórip otyrmyz. Bul jeke ınvestorlar arasynda júrgizilgen belsendi túsindirý jumystarynyń, sondaı-aq qala ákimdiginiń aıtarlyqtaı qoldaýynyń arqasynda múmkin boldy», - dedi Baqytjan Saǵyntaev.
Máselen, osy jyldyń basynan beri qalada 72 jekemenshik balabaqsha jumys jasaýda, olarǵa qazir 4 myńnan astam bala barýda, aıta keterligi, olardyń 42-i jazǵy kezeńde ashyldy.
Osylaısha, qazirgi kezde qalada barlyǵy 860 mektepke deıingi uıym jumys isteıdi, onyń 22%-y nemese 189-y - memlekettik menshikte. Búginde 1 jastan 6 jasqa deıingi 69 490 bala mektepke deıingi tárbıemen qamtylǵan, onyń ishinde 3 jastan 6 jasqa deıingiler - 63 920 bala.
Bıylǵy jyly memlekettik bilim berý tapsyrysy ótken jylmen salystyrǵanda 10244 orynǵa ulǵaıtyldy jáne ornalastyryldy, onyń ishinde aǵymdaǵy jyly ashylǵan 4378 oryndy 67 jańa jeke balabaqsha da bar.
Balalardy mektepke deıingi tárbıemen qamtýdy ulǵaıtý jáne balabaqshalardaǵy kezekti azaıtý maqsatynda ótken jyldan bastap memlekettik tapsyrys boıynsha jumys isteıtin jańadan ashylǵan jekemenshik balabaqshalardyń tamaqtaný qunyn jergilikti búdjet qarjysy esebinen sýbsıdıalaý mehanızmi belsendi túrde engizildi.
Úkimettiń qoldaýymen ákimdiktiń bul bastamasy jeke mektepke deıingi uıymdarda tárbıelenetinderdiń ata-analaryn qoldaýǵa, jeke uıymdardyń qoljetimdiligin arttyrýǵa, sondaı-aq memlekettik jáne jekemenshik balabaqshalarǵa barý qunyn teńestirýge baǵyttalǵan. Bıylǵy jyly jergilikti búdjetten azyq-túlik shyǵyndaryn óteýge 343 mıllıon teńgeden astam qarjy qarastyrylǵan.
Jańa balabaqshalardy salý jalǵasýda. Búginde Bostandyq jáne Naýryzbaı aýdandarynda 360 oryndyq 3 memlekettik balabaqshanyń qurylysy aıaqtaldy jáne Túrksib aýdanynda 280 oryndy balabaqshanyń qurylysy jalǵasýda.
Jaqyn arada 1920 oryndy taǵy 10 memlekettik mektepke deıingi uıymnyń qurylysy josparlanýda.
Áýezov aýdanynda uzaq merzimdi jalǵa berýden qaıtarylǵan ári kúrdeli jóndelip, seısmıkalyq kúsheıtilgen 315 oryndy memlekettik balabaqsha balalardy qabyldaýǵa tolyq daıyn.
Naqtyly sharalar aıasynda qaıtarylǵan 640 oryndy burynǵy memlekettik balabaqshalardyń 2 korpýsyna qaıta jańartý jumystary júrgiziletin bolady.