Qala turǵyndary qańtar oqıǵasy kezinde qaza tapqandardy eske alyp, «Taǵzym» memorıalynyń stellasyna gúl shoqtaryn qoıdy.
Saltanatty rásimge qala basshysy, qoǵam qaıratkerleri jáne t.b. qatysty. Din qyzmetkerleri marqumdardyń rýhyna quran baǵyshtap, beıbitshilik pen kelisimniń mańyzy týraly ýaǵyz aıtty. Jınalǵandarǵa meshitterdegi asqa barý úshin kólik daıyndaldy. Búgin qala meshitterinde qurbandyq shalynyp jatyr, dep habarlaıdy Almaty-akshamy.kz.
Aıta keteıik, buǵan deıin Almaty ákimi Erbolat Dosaev, qoǵam qaıratkerleri men shyǵarmashylyq zıaly qaýym ókilderi qańtar oqıǵasy kezinde qaza tapqandardy eske alý úshin Almatynyń ortalyq meshitinde quran baǵyshtap, qurban shalǵan bolatyn.
Meshitke kelgenderdiń arasynda QR Ulttyq Ǵylym akademıasynyń prezıdenti Murat Jurynov, jazýshy, QR Memlekettik syılyǵynyń laýreaty Nurlan Orazalın, «Turan» ýnıversıtetiniń rektory Rahman Alshanov, «Ana tili» gazetiniń bas redaktory Qalı Sársenbaı, túrki memleketteri uıymy Aqsaqaldar keńesiniń múshesi Ikram Adyrbekov, «Ardagerler uıymy» respýblıkalyq qoǵamdyq birlestiginiń Almaty qalalyq fılıalynyń tóraǵasy Aqan Bıjanov, «Juldyz» jýrnalynyń bas redaktory Mereke Qulkenov, Qazaqstan Jazýshylar Odaǵy tóraǵasynyń orynbasary Elgezek Aqberen, sportshy Ardaq Nazarov jáne t.b. bar.
