Órt maýsymy jalǵasyp jatyr.
«Qazgıdromet» RMK daýyldy eskertýine súıene otyryp, Tótenshe jaǵdaılar departamenti 7 qyrkúıekte Almatyda 35 gradýsqa deıin qatty ystyq bolatynyn aıtty, dep habarlaıdy Almaty-akshamy.kz
Almaty Tótenshe jaǵdaılar departamentiniń málimetinshe, qazir órt ornynda synaq-zertteý órt zerthanasynyń qyzmetkerleri, sonymen qatar Almaty qalasy Tótenshe jaǵdaılar departamentiniń anyqtaýshylary jumys istep jatyr.
«Órt maýsymy jalǵasyp jatyr. «Qazgıdromet» RMK daýyldy eskertýine súıene otyryp, Tótenshe jaǵdaılar departamenti 7 qyrkúıekte Almatyda 35 gradýsqa deıin qatty ystyq bolatynyn habarlady. Taýly-orman aımaǵynda joǵary órt qaýpine baılanysty qala turǵyndary men qonaqtaryn taýda demalý kezinde ashyq otty qoldanbaý, ot jaǵý jáne temeki shegýden bas tartýdy suraımyz», - dedi Almaty Tótenshe jaǵdaılar departamentiniń mamandary.
Sonymen qatar departament qala turǵyndary men qonaqtaryna órt qaýipsizdigi talaptaryn buzǵany úshin aıyppul bar ekenin eskertti.
«Erekshe qorǵalatyn tabıǵı aýmaqtarda órt qaýipsizdigi talaptaryn buzǵany úshin ÁQBtK-niń 367-babyna sáıkes jeke tulǵalarǵa aıyppul mólsheri 10-nan 100 AEK-ke deıin ózgeredi, ıaǵnı 30 myń 063 teńgeden 306 myń 300 teńgege deıin aıyppul qarastyrylǵanyn eskertemiz», delingen Almaty TJD taratqan aqparatta.
Aýyr zardaptar bolǵan jaǵdaıda kináliler qylmystyq jaýapkershilikke tartylýy múmkin.
Ózderińizge belgili, túngi ýaqytta avıasıa qaýipsizdik sharalaryna baılanysty tabıǵı órtterdi sóndirýge qatyspaıdy. Órttiń tez lokalızasıasy (01 saǵat, 6 mınýtta) barlaýdaǵy drondy qoldaný arqyly jeńildetildi, - delingen TJD habarlamasynda.
6 qyrkúıek kúni saǵat 18:58-de Almaty qalasy Tótenshe jaǵdaılar departamentiniń qurama komandasy tabıǵı órtterdi joıý úshin Medeý aýdany, Jánibekov kóshesi, 78-úıge jaqyn jerge bardy.
Kelgen kezde Kóktóbe taýynyń baýraıynyń 3 gektar aýmaǵy órtenip jatqany anyqtalyp, qalanyń ózara árekettesý qyzmetiniń (ákimdik, «Almaty sý» mekemesiniń tehnıkasy, polısıa qyzmetkerleri) kúshteri men quraldary ulǵaıtyldy. Órtti sóndirý qıyn jer bederi, jeldiń kúsheıýi jáne kúnniń qarańǵy bolýyna baılanysty qıyndady. Polıseıler turǵyndardy habardar etip, jaqyn mańdaǵy dámhanalardan evakýasıalaý jumysyn júrgizdi.
20-22-de órt tolyq lokalızasıalanyp, 20:35-te joıyldy. Oqıǵa ornyna 19 birlik órt sóndirý tehnıkasy men 130 adam jumyldyrylǵan. Qurbandar men zardap shekkender joq.