Medeý aýdanynda sýdy berý men toqtatýdyń ýaqytsha kestesi bıyl 31 shilde saǵat 07:00-den 24:00-ge deıin jaramdy.
Medeý aýdanynyń ońtústik bóligin sýmen jabdyqtaýdaǵy shekteý tabıǵı qubylystarǵa baılanysty. Buryn habarlanǵandaı, aptap ystyq saldarynan muzdyqtardyń erýine, sel jáne ózen jaǵalaýlaryn sý shaıýǵa baılanysty taý ózenderde bastapqy sýdyń laılanýynyń óte joǵary konsentrasıasy saqtalyp otyr. Sondyqtan sý tazartý stansıalarynda sý daıyndaýda qajetti sý kólemin ýaqytsha ala almaı jatyr. Sýdy zerthanalyq zertteý saǵat saıyn júrgiziledi. Súzgi stansıasy arqyly turaqty sýmen qamtamasyz etý úshin laılylyq deńgeıi 30-40 mg/dm3 deıin tómendeýi kerek. Qazirgi ýaqytta ol 170-340 mg/dm3 aralyǵynda.
Rezervýarlardaǵy sýdy jınaý úshin ázirlengen ýaqytsha keste qajet.
Keste 31.07.2023-02.08.2023 j.*e
«Suńqar» shańǵy tramplınderi kesheniniń batysyndaǵy Qapparov kóshesinde ornalasqan «Tramplınder» sorǵy stansıasynyń qosylýymen, sonymen qatar, Dostyq dańǵyly 300 boıyndaǵy №13 sý jınaý alańynda aýyz sý deńgeıiniń jınalýyna baılanysty Taımanov, Ivanılov, Igıshev kóshelerindegi turǵyn úı qurylystaryna táýlik boıy sý berý qosymsha qalpyna keltirildi. «Kochevnıkı» sorǵy stansıasy qosylyp, Jamaqaev kóshesiniń ońtústigindegi turǵyn alabyn sýmen jabdyqtaý qalpyna keltirildi (Máshhúr Júsipov kóshesi, 4, 5 , 6 kósheleri).
31.07.2023, 01.08.2023, 02.08.2023 jyly myna aýmaqqa sý beriledi:
Saǵat 7:00-den 13:00-ge deıin ál-Farabı, Lýganskıı, Chaıkına, Taımanov kóshelerindegi kóppáterli turǵyn úılerge.
Saǵat 19:00-den 24:00-ge deıin Qurmet kóshesiniń ońtústiginde (joǵaryda) ornalasqan tutynýshylarǵa, onyń ishinde «Iýbıleınyı» sh/a, Kamensk ústirti, Evropolıs TÚK, Alem qalashyǵy, Almaly TÚK, Kereı – Jánibek handar kóshesiniń eki jaǵyndaǵy kóppáterli turǵyn úıler.
Saǵat 13:00-den 19:00-ge deıin jáne saǵat 00:00-den 07:00-ge deıin rezervýarlarǵa sý jınaqtalady.
Sýmen qamtamasyz etýdiń kórsetilgen kestesi tabıǵı qubylystarǵa baılanysty ózgeredi. Barlyq ózgeris qosymsha habarlanady.
Ýaqytsha qolaısyzdyqtarǵa túsinistikpen qaraýdy, múmkindiginshe sýarýdy shekteýdi jáne sýdy únemdeýdi suraımyz.
Azamattyq turǵyndar úshin jelige beriletin sý kólemin kóbeıtý maqsatynda sýdy kóp tutynatyn nysandarǵa (kólik jýý, monsha) sý berý ýaqytsha toqtatylady. Áleýmettik nysandar táýlik boıy tasymaldanatyn sýmen qamtamasyz etiledi.
Ortalyqtandyrylǵan sýmen jabdyqtaý bolmaǵan kezde sý avtosısternalarmen tasymaldanady. 27 shildeden bastap sý jetkizý boıynsha arnaıy kólikterdiń jalpy sany 18 birlikke deıin kóbeıedi.
Sýmen qamtamasyz etý máselesine baılanysty ótinishter úshin jedel jeliler uıymdastyryldy.
Biryńǵaı dıspecherlik qyzmettiń telefony: 109.
«Almaty Sý» MKK dıspecherlik qyzmeti: 274-66-66, +7 777 852 91 01.
Aýyz sýdy (sý tasyǵyshtardy) tasymaldaý jáne bıotýaletterdi ornatý máselesi boıynsha ótinim Medeý aýdany ákimi apparatynyń nómiri boıynsha qabyldanady: + 7 775 594 90 94.
Anyqtama úshin:
Medeý aýdanynyń ońtústik bóligindegi sýmen jabdyqtaý shektelgen aımaqta 50 kóppáterli úı, 4 047 jeke turǵyn úı bar.