Ol sotta óz kinásin tolyq moıyndamaıtynyn aıtty.
Medeý aýdandyq №2 soty Almaty qalasy sport basqarmasynyń eks-basshysy Rústem Baıseıitov pen onyń qaramaǵyndaǵylarǵa úkim shyǵardy, dep habarlaıdy Almaty-akshamy.kz
Olarǵa 367 mıllıon teńgeni jymqyrdy degen aıyp taǵyldy.
Sot úkimimen Rústem Baıseıitov kináli dep tanylyp, ómir boıy memlekettik qyzmette laýazymdy qyzmet atqarý quqyǵynan jáne 4 jyl 6 aıǵa bas bostandyǵynan aıyrý jazasyna kesildi.
Almaty qalasy Sport basqarmasynyń qarjy-ekonomıkalyq bóliminiń burynǵy basshysy Áıgerim Baıǵonova 3 jyl 6 aıǵa;
"Qazaqstan Gólf Federasıasy" RQB-nyń sport menedjeri Álıa Smaqova 3 jylǵa;
Qazaq Sport JSHS dırektory Erjan Muhamanov 7,5 jylǵa bas bostandyǵynan aıyryldy.
Osy jyldyń qańtar aıynda Antıkor Almaty qalasy sport basqarmasynyń laýazymdy tulǵalaryna qatysty 367 mıllıon teńge jymqyrý faktisi boıynsha sotqa deıingi tergeýdiń aıaqtalǵanyn habarlady.
Basty kúdiktilerdiń biri – Almaty qalalyq sport basqarmasynyń eks-basshysy Rústem Baıseıitov. Ol pandemıa kezeńinde (2020-2021 jj.) qaramaǵyndaǵy qyzmetkerlerimen koronavırýs ınfeksıasyna baılanysty baqylaý men shekteýlerdiń baıaýlaǵanyn paıdalanyp, JSHS dırektorynyń týystarynyń banktik shottaryna aqsha aýdarǵany anyqtaldy.
Alaıda Sport basqarmasynyń burynǵy basshysy sotta óz kinásin tolyq moıyndamaıtynyn aıtty.