Almaty qalasy ákiminiń orynbasary Abzal Núkenuly «Alatau Aqparat» medıaholdıngine arnaı atbasyn buryp, jumysymen tanysyp, qyzmetkerlerimen tildesti.
Medıaholdıngtiń bas dırektory Erjan Qalymbaıuly jasalyp jatqan jumystar men jetistikterdi baıandap, úlken transformasıa júzege asyrylýda ekenin atap ótti.
Kezdesý barysynda ákim orynbasary ujymnyń mereıin ósirgen jańalyqqa da toqtaldy. «Almaty aqshamy» gazeti bıyl «Qazaqstandaǵy Jyl tańdaýy» (№1 Choice of the year in Kazakhstan) ulttyq jobasynyń «Memlekettik tildegi respýblıkalyq qoǵamdyq-saıası gazet» nomınasıasyn jeńip alǵan edi. Abzal Núkenov osy mártebeli marapatpen redaksıa ujymyn quttyqtap, bul jetistik jyl boıy eseli eńbektiń, sapaly kontent pen oqyrman seniminiń aıqyn dáleli ekenin atap ótti.
Sondaı-aq, ákim orynbasary keler jyly 90 jyldyǵy atap ótiletin «Vechernıı Almaty» gazetiniń ujymymen de tildesip, tarıhı basylymnyń orny men ónegeli jolyna toqtaldy. 
Holdıń quramyndaǵy basylymdar men onlaın platformalardyń jumysy, sıfrlyq jobalardyń damýy, kontent ázirleýdiń kúndelikti úderisteri de aıtyldy. «Áleýmettik jelige jańa tolqynnyń lebi, kózqarasy kerek. Qazirgi tutynýshylardyń suranysyna saı kontent daıarlaý, aqparattyq keńistikti sapaly aqparattarmen tolyqtyrý ýaqyt kúttirmeıtin máseleler», – dedi Abzal Núkenov saıttar men áleýmettik jeli mamandarymen kezdeskende.
Sonymen birge ákimniń orynbasary medıaholdıngtiń mýzeıin tamashalap, Almaty jýrnalısıkasynyń shejiresine aınalǵan qundy muralarmen tanysty. Sonymen qatar, bıyl ashylǵan podkast stýdıasynyń jumysyn kórdi. 
Jýrnalısermen júzdesý barysynda ol aldaǵy jyly josparlanǵan medıaholdıngtiń 1959 jylǵy ǵımarattyn kúrdeli jóndeý jáne jańǵyrtý jumystaryna da toqtaldy. «Keler jyly ǵımaratqa tolyǵymen jóndeý jumysy júrgiziledi. Bul jańa múmkindikter bastamasy bolmaq », – dedi Abzal Núkenov.
Júzdesý sońynda ol redaksıa ujymyna sáttilik tilep, aqparattyq jumystyń qala ómirindegi mańyzyn erekshe atap ótti. Jáne zamanaýı medıa aǵymyna ilesip, mýltımedıalyq jýrnalısıkany damytýdy tapsyrdy. Sonymen qatar, aldaǵy Jańa jylmen quttyqtap, ár shańyraqqa amandyq, bereke-birlik, shyǵarmashylyq tabys tiledi.
Aıta keteıik, «Alatau Aqparat» medıaholdıngine respýblıkalyq «Almaty aqshamy», «Vechernıı Almaty» gazetteri, sondaı-aq aqshamnews.kz, vecher.kz, alnews.kz onlaın resýrstary jáne áleýmettik jelidegi resmı paraqshalar kiredi.