Aýyldyń áleýeti kóterilmek
Qazaqstanda 1 mln aýyl turǵynynyń tabysyn arttyrý josparlanýda, dep habarlaıdy Almaty-akshamy.kz.
Bul - Agroónerkásipti keshendi damytýdyń 2021-2025 jyldarǵa arnalǵan ulttyq jobasynda kózdelgen maqsat.
Qujatty úkimet otyrysynda QR Aýyl sharýashylyǵy mınıstri Erbol Qarashókeev tanystyrdy.
Mınıstr málim etkendeı, ulttyq jobany ázirleý kezinde agroónerkásiptik keshendi damytýdaǵy jahandyq syn-qaterler men álemdik trendter, aldyńǵy memlekettik jáne salalyq baǵdarlamalardy iske asyrý qorytyndylary eskerilgen.
«Ulttyq jobanyń mynadaı negizgi mindetteri aıqyndaldy: eńbek ónimdiligin 2,5 ese arttyrý, otandyq óndiristiń negizgi azyq-túlik taýarlarymen qamtamasyz etilýi, óńdelgen ónim úlesin 70% deıin jetkize otyryp agroónerkásiptik keshen ónimderiniń eksportyn 2 esege ulǵaıtý, 7 iri ekojúıe qalyptastyrý jáne ınvestısıalyq jobalardy iske asyrý esebinen 1 mln aýyl turǵynynyń tabysyn turaqty arttyrý», - dedi QR Aýyl sharýashylyǵy mınıstri Erbol Qarashókeev.
Sondaı-aq mınıstr Ulttyq jobany iske asyrýda 4,1 trln teńgege 582 ınvestısıalyq jobany iske qosý josparlanyp otyrǵanyn atap aıtty.