Qala prokýratýrasy júrgizgen tekserý sheńberinde Reseı, Qyrǵyzstan, Ózbekstan jáne Grýzıa azamattarynyń zańsyz kóshi-qon legi anyqtaldy, dep habarlaıdy almaty-akshamy.kz vedomstvonyń baspasóz qyzmetine silteme jasap.
Shet el azamattarynyń el aýmaǵyna zańsyz kelýine, jalǵan qujattar boıynsha turaqty turýǵa ruqsat alý negiz bolǵan.
05.06.2024 jyly Naýryzbaı aýdandyq sotynda QR QK-niń 394-baby 1-bóligimen Naýryzbaı aýdanynyń prokýratýrasy bastaǵan sotqa deıingi tergep-tekserý boıynsha aıyptaý úkimi shyǵaryldy.
Kináli adam qylmystyq jaýaptylyqqa tartyldy.
Ádette zańsyz kóshi-qondy uıymdastyrý, jalǵan fırmalar arqyly júzege asyrylady.
Qazirgi ýaqytta prokýratýranyń qadaǵalaý aktisi boıynsha memlekettik kiris organdary, jalǵan fırmalardyń memlekettik tirkeýdin jaramsyz dep taný jumystaryn júrgizýde.
Zańsyz kóshi-qonǵa qarsy is-qımyl, qadaǵalaý qyzmetiniń ózekti baǵyttarynyń biri bolyp qalýda.