Olar №7 jáne №57 degen eki baǵytta júrgen.
Almaty polısıasy qalta urylaryn ustady, dep habarlaıdy Almaty-akshamy Polisia.kz-ke silteme jasap.
30 jáne 31 jastaǵy er adamdar qalalyq qoǵamdyq kólikterde urlyq jasap júrgen. Olar №7 jáne №57 degen eki baǵytta júrgen. Negizinen áıelder men mektep oqýshylarynyń qaltasyn qaqqan, al er adamdarmen baılanyspaǵan.
«Qaskóıler aıǵaqtarmen ustaldy. Qarbalas ýaqytta áıel adam bireýdiń onyń telefonyn qaltasynan shyǵaryp alǵanyn baıqaıdy. Ol aıqaılaı bastaıdy. Kúdiktiler qarsylyq kórsetip, oqıǵa ornynan boı tasalaýǵa tyrysqan. Alaıda ekeýi de ustalyp, aıǵaq retinde uıaly telefon tárkilense, avtobýsta ornatylǵan beınebaqylaý kamerasynyń derekteri de bultartpas dálel. Olar urlyq deregin tárkiledi. Qazir ýaqytta sotqa deıingi tergeý amaldary júrgizilýde. Kúdiktiler qamaýǵa alyndy. Sonymen qatar, ustalǵandardyń osyǵan uqsas qylmystarǵa qatysy bar-joǵyn anyqtap jatyrmyz», – dedi Alataý aýdandyq PB janyndaǵy polısıa bóliminiń bastyǵy Qumarbek Kenshinbaev.
Spıkerdiń aıtýynsha, ustalǵandardyń ekeýi de buryn osyǵan uqsas qylmystary úshin birneshe ret sottalǵan. Biri dál qalta urlyǵymen aınalyssa, ekinshisi páter urysynan «qalta urysyna» aýysqan.
Polısıa qyzmetkerleri Almaty qalasynyń turǵyndary men qonaqtaryna úndeý saldy. Osy azamattardyń áreketinen zardap shekkenderdiń barlyǵyn myna telefon nómirleri boıynsha habarlasýǵa shaqyrady: 8-775-117-00-06; 8-747-133-84-44.