«Ashyq» mobıldi qosymshasyn mindetti túrde qoldaný alyp tastalady.
Búgin QR Premer-Mınıstriniń orynbasary Eraly Toǵjanovtyń tóraǵalyǵymen Qazaqstan Respýblıkasynyń aýmaǵynda koronavırýs ınfeksıasynyń taralýyna jol bermeý jónindegi vedomstvoaralyq komısıanyń otyrysy ótti, dep habarlaıdy Almaty-akshamy QR Úkimetiniń baspasóz qyzmetine silteme jasap.
Eldegi epıdemıologıalyq jaǵdaıdyń turaqtanýyn eskere otyryp, Qazaqstan Respýblıkasynyń aýmaǵynda koronavırýs ınfeksıasynyń taralýyna jol bermeý jónindegi vedomstvoaralyq komısıanyń qabyldaǵan sheshimimen alyp tastalady:
Birinshi. Epıdemıologıalyq táýekeldiń «sary» jáne «jasyl» aımaqtarynda ornalasqan óńirlerdegi barlyq obektilerde:
- «Ashyq» mobıldi qosymshasyn mindetti túrde qoldaný;
- áleýmettik qashyqtyqty saqtaýǵa qoıylatyn talaptar;
- mindetti termometrıa.
Ekinshi. Epıdemıologıalyq qaýip-qaterdiń barlyq aımaqtarynda ashyq aýada maskalardy mindetti túrde kıý.
Úshinshi. COVID-19-ǵa qarsy vaksına almaǵan qyzmetkerler úshin kúndizgi rejımdegi jumysqa ruqsat berýdi shekteý (qyzmet kórsetý salasynyń obektileri).
Tórtinshi. Vahtalyq ádispen jumys isteıtin uıymdardyń qyzmetkerleri úshin vahtaǵa kirý jáne shyǵý kezinde PTR ádisimen mindetti zerthanalyq testileý.